ກອງປະຊຸມສະພາຄວາມໝັ້ນຄົງແຫ່ງສະຫະປະຊາຊາດ (UNSC) ສະແດງທ່າທີກັງວົນໃຈ ແລະ ຜິດຫວັງຕໍ່ກໍລະນີການຕັ້ງຖິ່ນຖານຂອງອິດສະລາແອນໃນເຂດເວສແບງທີ່ຢຶດຄອງຢູ່. ພ້ອມຊີ້ວ່າ: ການກະທໍາຂອງອິດສະລາແອນຈະຍິ່ງເປັນອັນຕະລາຍຕໍ່ແນວທາງການແກ້ໄຂບັນຫາຄວາມຂັດແຍ່ງລະຫວ່າງອິດສະລາແອນ-ປາແລັສຕິນຕາມທີ່ເຄີຍຕົກລົງໄວ້ໃນປີ 1967. ທ່າທີດັ່ງກ່າວມີຂຶ້ນພາຍຫລັງຕົ້ນເດືອນກຸມພາຜ່ານມາ, ລັດຖະບານອິດສະລາແອນອະນຸຍາດ ແລະ ຮັບຮອງສິດການຕັ້ງຖິ່ນຖານຂອງຊາວອິດສະລາແອນໃນພື້ນທີ່ເຂດເວສແບງທີ່ຕົນເອງຢຶດຄອງໄດ້ ຫລັງຈາກເລີ່ມຄ່ອຍໆຢຶດຄອງພື້ນທີ່ບາງສ່ວນຂອງເຂດເວສແບງ ລວມທັງເຢຣູຊາເລັມຕາເວັນອອກ ແລະ ເຂດກາຊາ ນັບແຕ່ປີ 1967 ເຊິ່ງພື້ນທີ່ເຫລົ່ານີ້ລ້ວນເປັນດິນແດນທີ່ປາແລັສຕິນຕ້ອງການຈະໃຫ້ເປັນແຜ່ນດິນຂອງລັດ ຫລື…

ໃນຕອນເດິກຜ່ານມາ ເກີດແຜ່ນດິນໄຫວຂຶ້ນອີກຢູ່ບໍລິເວນຊາຍແດນຂອງຕວັກກີ ແລະ ຊີເຣຍ ຫລື ເປັນເວລາພຽງ 2 ອາທິດຫລັງຈາກພື້ນທີ່ດັ່ງກ່າວໄດ້ຮັບຄວາມເສຍຫາຍຢ່າງໜັກຈາກແຜ່ນດິນໄຫວຂະໜາດໃຫຍ່ທີ່ຂ້າຊີວິດປະຊາຊົນໄປແລ້ວ 47.000 ກວ່າຄົນ ແລະ ທໍາລາຍບ້ານເຮືອນຂອງປະຊາຊົນໄປຫລາຍແສນຫລັງ. ສູນແຜ່ນດິນໄຫວເມດິເຕີເຣນຽນເອີຣົບ (EMSC) ລະບຸວ່າ: ແຜ່ນດິນໄຫວຄັ້ງຫລ້າສຸດເກີດຂຶ້ນເວລາ 20:04 ໂມງ ຂອງວັນທີ 20…

ສຳນັກຂ່າວຕ່າງປະເທດລາຍງານ: ສຳນັກງານຮັບມືໄພພິບັດແຫ່ງຊາດ ປະກາດຢຸດຕິປະຕິບັດການຄົ້ນຫາ ແລະ ຊ່ວຍເຫລືອຜູ້ລອດຊີວິດຈາກເຫດແຜ່ນດິນໄຫວຢ່າງເປັນທາງການໃນຄືນວັນທີ 19 ກຸມພາ 2023 ເຊິ່ງລວມເປັນ 14 ວັນ, ເຊິ່ງສ້າງຄວາມເສຍຫາຍເປັນວົງກວ້າງທັງໃນຕວັກກີ ແລະ ປະເທດໃກ້ຄຽງ ຂະນະທີ່ຈຳນວນຜູ້ເສຍຊີວິດໃນຕວັກກີ 40.642 ຄົນ, ຊີເຣຍ 5.814 ຄົນ…

ແອັສປາຍ ກາຍເປັນປະເທດທໍາອິດໃນເອີຣົບທີ່ໃຫ້ສິດພະນັກງານຜູ້ຍິງລາພັກ ເນື່ອງຈາກບໍ່ສະບາຍຈາກການມີປະຈໍາເດືອນຈໍານວນ 3 ວັນ ແລະ ຂະຫຍາຍເປັນ 5 ວັນໄດ້ຖ້າຈໍາເປັນ ເນື່ອງຈາກຜ່ານກົດໝາຍສິດທິທາງເພດ ແລະ ການຈະເລີນພັນຫລາຍສະບັບ ລວມທັງກົດໝາຍທີ່ຂະຫຍາຍສິດການເອົາລູກອອກ ແລະ ຄົນຂ້າມເພດ. “ຖ້າປາສະຈາກສິດດັ່ງກ່າວ ຜູ້ຍິງກໍບໍ່ແມ່ນພົນລະເມືອງໂດຍສົມບູນ” Irene Montero ລັດຖະມົນຕີກະຊວງຄວາມສະເໝີພາບຂອງແອັສປາຍ…

ທ່ານ ດາຊິຊິໂອ ເດ ເຟຣຕັສ ເຈົ້າຄອງລັດເຊົາເປົາໂລໃນເບຣຊິນ ປະກາດສະຖານະການສຸກເສີນບໍລິເວນ 5 ເມືອງຊາຍຝັ່ງທາງຕາເວັນອອກສຽງໃຕ້ຂອງປະເທດໃນວັນທີ 19 ກຸມພາ ຫລັງຝົນຕົກລົງມາຢ່າງໜັກ ເຮັດໃຫ້ຫລາຍພື້ນທີ່ນໍ້າຖ້ວມສູງ ແລະ ເກີດດິນເຈື່ອນ ມີຜູ້ເສຍຊີວິດແລ້ວຢ່າງໜ້ອຍ 24 ຄົນ ແລະ ອີກຫລາຍຮ້ອຍຄົນກາຍເປັນຜູ້ບໍ່ມີບ່ອນຢູ່ອາໄສ. ໂດຍເມືອງເຊົາເຊບາສຕຽວ…

ສໍານັກຂ່າວຊິນຮົວລາຍງານໃນວັນທີ 18 ກຸມພາວ່າ: ລັດຖະບານອິນເດຍປະກາດການກໍ່ສ້າງໂຮງໄຟຟ້ານິວເຄຼຍໃນລັດຫໍຍານາທາງຕອນເໜືອຂອງປະເທດ. ໂຮງໄຟຟ້ານິວເຄຼຍແຫ່ງທໍາອິດທາງຕອນເໜືອຂອງອິນເດຍນີ້ ຈະສ້າງຂຶ້ນໃນເຂດໂຄຣາມປຸຣະ ເຂດຟາເຕຮາບັດ ເຊິ່ງຢູ່ຫ່າງຈາກນະຄອນຫລວງນິວເດລີໄປທາງຕອນເໜືອປະມານ 150 ກິໂລແມັດ. ທ່ານ ຈິເທນຕຣາ ຊິງ ລັດຖະມົນຕີວ່າການກະຊວງສະຫະພາບແຮງງານຂອງອິນເດຍລະບຸວ່າ: ການຕັດສິນໃຈສ້າງໂຮງໄຟຟ້ານິວເຄຼຍດັ່ງກ່າວສອດຄ່ອງກັບການໃຫ້ຄວາມສໍາຄັນຕໍ່ການເພີ່ມກໍາລັງຜະລິດນິວເຄຼຍຂອງອິນເດຍ. ພ້ອມກ່າວວ່າ: ລັດຖະບານໄດ້ອະນຸມັດການຕິດຕັ້ງເຄື່ອງປະຕິກອນນິວເຄຼຍຈໍານວນ 10 ເຄື່ອງແລ້ວ.

ວັນທີ 19 ກຸມພາ 2023 ນີ້ Mark Zuckerberg ເຈົ້າຂອງບໍລິສັດ Meta ອອກມາປະກາດຜ່ານໂປຣໄຟລຂອງຕົນເອງວ່າ ຈະເປີດບໍລິການ Meta Verified ຫຼື ບໍລິການສະໝັກສະມາຊິກ ທີ່ໃຊ້ຢືນຢັນບັນຊີດ້ວຍບັດປະຈຳຕົວ ເຊິ່ງຈະໄດ້ຮັບເຄື່ອງໝາຍ () ເປັນສີຟ້າ ຖືວ່າເປັນການປົກປ້ອງບັນຊີຈາກການປອມແປງ,…

ສຳນັກຂ່າວຕ່າງປະເທດລາຍງານ: ວັນທີ 17 ກຸມພາ 2023 ຜ່ານມາ, ທ່ານອັນວາ ໄອບຣາຮິມ ນາຍົກລັດຖະມົນຕີມາເລເຊຍ ກ່າວວ່າ: ເພື່ອສະກັດກັ້ນໄພເງິນເຟີ້, ລັດຖະບານມີແຜນການຈະຮັກສາລະບຽບການຄວບຄຸມລາຄາສິນຄ້າ​ ແລະ​ ອຸດໜູນສິນຄ້າພິເສດທີ່ມີຢູ່ໃນປັດຈຸບັນ, ຄາດວ່າ ຈະສາມາດຄວບຄຸມບັນຫາທີ່ລາຄາສິນຄ້າເພີ່ມສູງຂຶ້ນຢ່າງມີປະສິດທິຜົນພາຍໃນປີ 2023. ອີງຕາມຜົນການສຳຫລວດຂອງກົມສະຖິຕິມາເລເຊຍໃຫ້ຮູ້ວ່າ: ຖ້າຫາກບໍ່ມີລະບຽບດັ່ງກ່າວ, ລະດັບໄພເງິນເຟີ້ຂອງປະເທດຕົນຈະຫລາຍກວ່າ…

ວັນທີ 17 ກຸມພາ, ເກີດເຫດຄົນຮ້າຍບຸກກວາດຍິງໃນເມືອງນ້ອຍໆແຫ່ງໜຶ່ງໃນລັດມິສຊິສຊິບປີຂອງອາເມລິກາ ໂດຍລາວໄດ້ສັງຫານອະດີດພັນລະຍາ ແລະ ບຸກຄົນອື່ນໆອີກ 5 ຄົນໃນ 3 ສະຖານທີ່ ກ່ອນເຈົ້າໜ້າທີ່ຈະຈັບກຸມໄດ້. ເຫດນອງເລືອດຄັ້ງນີ້ເກີດຂຶ້ນໃນອາຄາບັດລາ (Arkabutla) ເຊິ່ງເປັນເມືອງນ້ອຍໆໃນຊົນນະບົດທີ່ມີປະຊາກອນບໍ່ຮອດ 300 ຄົນໃນເທດເຄົາຕີ ທາງຕອນເໜືອຂອງລັດມິສຊິສຊິບປີ ຫ່າງຈາກເມືອງເມມຟິສ ລັດເທນເນສຊີໄປທາງໃຕ້ປະມານ…