ອາເມລິກາ ເລີ່ມຕົ້ນບັງຄັບໃຊ້ພາສີອາກອນພື້ນຖານ 10% ສໍາລັບສິນຄ້ານໍາເຂົ້າຈາກທົ່ວໂລກ ນັບແຕ່ເວລາ 00:01 ໂມງ ຂອງວັນທີ 5 ເມສາ ຕາມເວລາທ້ອງຖິ່ນ ໂດຍເປັນສ່ວນໜຶ່ງຂອງນະໂຍບາຍພາສີອາກອນຕອບໂຕ້ຂອງປະທານາທິບໍດີ ໂດນັລ ທຣໍາ ທີ່ປະກາດໃນອາທິດຜ່ານມາ ແລະ ຖືເປັນການທໍາລາຍມາດຕະຖານການຄ້າໂລກ ລວມທັງລະບົບອັດຕາພາສີອາກອນທີ່ທົ່ວໂລກຕົກລົງຮ່ວມກັນຫລັງສົງຄາມໂລກຄັ້ງທີ 2….
ລັດຖະບານກໍາປູເຈຍຍື່ນຂໍ້ສະເໜີຫລຸດພາສີສິນຄ້າອາເມລິກາຫລາຍລາຍການ ເຫລືອອັດຕາ 5% ແລະ ຂໍເຈລະຈາກັບອີກຝ່າຍ ເພື່ອບັນເທົາຜົນກະທົບຈາກມາດຕະການພາສີຕອບໂຕ້ຂອງລັດຖະບານວໍຊິງຕັນ. ກະຊວງການຄ້າກໍາປູເຈຍອອກຖະແຫລງການວ່າ: ທ່ານ ຈອມ ນິມົນ ລັດຖະມົນຕີກະຊວງການຄ້າກໍາປູເຈຍ ສົ່ງໜັງສືເຖິງທ່ານ ເຈມີສັນ ເກຣີ ຜູ້ແທນການຄ້າອາເມລິກາ ມີເນື້ອໃນສໍາຄັນກ່ຽວກັບການຂໍເຈລະຈາກ່ຽວກັບການທີ່ລັດຖະບານວໍຊິງຕັນຂອງປະທານາທິບໍດີ ໂດນັລ ທຣໍາ…
ທ່ານ ລໍເຣນ ຫວ່ອງ ນາຍົກລັດຖະມົນຕີສິງກະໂປ ຖະແຫລງຕໍ່ຄົນທົ່ວປະເທດ ເຕືອນໃຫ້ຊາວສິງກະໂປກຽມພ້ອມຮັບມືຕໍ່ຜົນກະທົບທີ່ຈະຕາມມາຈາກມາດຕະການພາສີຂອງທ່ານ ທຣໍາ ເຖິງວ່າສິງກະໂປຈະຖືກເກັບພາສີອາກອນພຽງ 10% ຈາກການປະກາດຫລ້າສຸດຂອງທ່ານ ທຣໍາ ເຊິ່ງໜ້ອຍກວ່າປະເທດອື່ນໆທົ່ວໂລກກໍຕາມ. ຜູ້ນໍາສິງກະໂປເຕືອນວ່າ: ຍຸກຂອງໂລກາພິວັດ ແລະ ການຄ້າເສລີທີ່ເຊື່ອມໂຍງກັບກົດກະຕິກາລະຫວ່າງປະເທດໄດ້ສິ້ນສຸດລົງແລ້ວ. “ເຮົາບໍ່ອາດຄາດຫວັງໄດ້ແລ້ວວ່າ:…
ປະທານາທິບໍດີ ໂດນັລ ທຣໍາ ໂພສຂໍ້ຄວາມຜ່ານໂຊຊຽວມີເດຍ Truth ລະບຸວ່າ: ໄດ້ໂທລະສັບເຈລະຈາກັບທ່ານ ໂຕ ເລິມ ເລຂາທິການພັກກອມມູນິດຫວຽດນາມ ເຊິ່ງມີການຍື່ນຂໍສະເໜີທີ່ຈະຫລຸດພາສີອາກອນສໍາລັບສິນຄ້ານໍາເຂົ້າຈາກອາເມລິກາ ເຫລືອ 0% ຖ້າສາມາດບັນລຸຂໍ້ຕົກລົງກັບອາເມລິກາ ໂດຍຖືເປັນຄວາມພະຍາຍາມເພື່ອຫລີກລ່ຽງພາສີອາກອນຕອບໂຕ້ທີ່ອາເມລິກາກໍານົດຕໍ່ສິນຄ້າຫວຽດນາມສູງເປັນອັນດັບຕົ້ນໆເຖິງ 46%. “ຂ້າພະເຈົ້າໂທລະສັບເຈລະຈາຢ່າງສ້າງສັນກັບທ່ານ ໂຕ…
ຈີນປະກາດໃຊ້ມາດຕະການພາສີຕອບໂຕ້ (Reciprocal Tariffs) ກັບສິນຄ້ານໍາເຂົ້າທຸກປະເພດຈາກອາເມລິກາ ໂດຍເກັບໃນອັດຕາ 34% ເທົ່າກັບປະທານາທິບໍດີ ໂດນັລ ທຣໍາ ປະກາດເກັບຕໍ່ຈີນໃນຮອບຫລ້າສຸດ ສົ່ງຜົນເຮັດໃຫ້ສົງຄາມການຄ້າລະຫວ່າງມະຫາອໍານາດທາງເສດຖະກິດອັນດັບ 1 ແລະ 2 ເຄັ່ງຕຶງຂຶ້ນ ແລະ ສ້າງຄວາມເສຍຫາຍເພີ່ມຂຶ້ນຕໍ່ເສດຖະກິດໂລກທີ່ບອບບາງຢູ່ແລ້ວ. ຄະນະກໍາມາທິການພາສີອາກອນແຫ່ງຄະນະລັດຖະບານຈີນ…
ສຳນັກຂ່າວ ເອເອຟພີ ວັນທີ 2 ເມສາ 2025 ນີ້ວ່າ ບໍລິສັດ ພະລັງງານ ຂອງ ຟິນແລນ ເຮເລນ ໄດ້ປິດໂຮງໄຟຟ້າຖ່ານຫີນແຫ່ງສຸດທ້າຍຂອງປະເທດແລ້ວ ຖືເປັນການສິ້ນສຸດໂຮງໄຟຟ້າດ້ວຍຖ່ານຫີນຢ່າງເປັນທາງການ. ໂຮງໄຟຟ້າ ຊັລມິຊາອາຣີ ຕັ້ງຢູ່ໃນກາງນະຄອນຫລວງ ແຮນຊິງກິ ຜະລິດຄວາມຮ້ອນ ແລະ…
ລັດຖະບານການາດາປະກາດຂຶ້ນພາສີ 25% ກັບລົດຂອງອາເມລິກາ ເຊິ່ງບໍ່ໄດ້ຢູ່ພາຍໃຕ້ກົດລະບຽບຂອງຂໍ້ຕົກລົງການຄ້າເສລີຮ່ວມກັນ. ນາຍົກລັດຖະມົນຕີ ມາກ ຄານີ ຜູ້ນໍາການາດາ ປະກາດຂຶ້ນພາສີ 25% ກັບລົດທຸກປະເພດທີ່ສົ່ງອອກມາຈາກອາເມລິກາ ແລະ ບໍ່ໄດ້ຢູ່ພາຍໃຕ້ເງື່ອນໄຂ ຫລື ກົດເກນຂອງຂໍ້ຕົກລົງການຄ້າໄຕພາຄີອາເມລິກາ-ແມັກຊິກ-ການາດາ ຫລື USMCA. …
ສານລັດຖະທໍາມະນູນເປັນເອກະພາບ 8 ສຽງຕັດສິນໃຫ້ທ່ານ ຢຸນຊອກຢໍ ພົ້ນຈາກຕໍາແໜ່ງປະທານາທິບໍດີ ສ.ເກົາຫລີ ຢ່າງເປັນທາງການແລ້ວໃນວັນທີ 4 ເມສາ ໂດຍສານພິພາກສາຍື່ນຕາມຄໍາຮ້ອງຂອງລັດຖະສະພາໃນການຖອດຖອນປະທານາທິບໍດີ ຈາກຂໍ້ຫາປະກາດໃຊ້ກົດໄອຍະການເສິກໃນໄລຍະສັ້ນໆໃນປີຜ່ານມາ ເຊິ່ງນໍາໄປສູ່ວິກິດການທາງການເມືອງຄັ້ງຮ້າຍແຮງທີ່ສຸດຂອງປະເທດໃນຮອບຫລາຍທົດສະຫວັດ. ທັງນີ້, ການເລືອກຕັ້ງປະທານາທິບໍດີຄົນໃໝ່ຈະຕ້ອງເກີດຂຶ້ນພາຍໃນ 60 ວັນຕາມທີ່ລະບຸໄວ້ໃນລັດຖະທໍາມະນູນຂອງປະເທດ ໂດຍນາຍົກລັດຖະມົນຕີ ຮັນດ໊ອກຊູ…
ສຳນັກຂ່າວ ທູເດ (TODAY) ລາຍງານວ່າ: ວັນທີ 4 ເມສາ 2025 ສານລັດຖະທຳມະນູນ ສ.ເກົາຫລີ ໄດ້ມີມະຕິຮັບຮອງການປົດ “ທ່ານ ຢຸນ ຊອກ ຢອນ” ອອກຈາກຕໍາແໜ່ງ ປະທານນາທິບໍດີ ສ.ເກົາຫລີ ຈາກກໍລະນີທີ່ໄດ້ປະກາດກົດໄອຍະການເສິກໃນວັນທີ 3…
ລັດຖະບານມາເລເຊຍສະແດງຄວາມພ້ອມເຈລະຈາກັບອາເມລິກາ ເພື່ອແກ້ໄຂການພົວພັນທາງການຄ້າລະດັບທະວີພາຄີ ພາຍຫລັງຜະເຊີນອັດຕາພາສີຕອບໂຕ້ 24%. ກະຊວງການລົງທຶນ, ການຄ້າ ແລະ ອຸດສາຫະກໍາຂອງມາເລເຊຍ ອອກຖະແຫລງການກ່ຽວກັບການຕ້ອງຜະເຊີນພາສີຕອບໂຕ້ຂອງອາເມລິກາໃນອັດຕາ 24% ວ່າລັດຖະບານກົວລາລໍາເປີບໍ່ມີນະໂຍບາຍໃຊ້ພາສີຕອບໂຕ້ຕໍ່ລັດຖະບານວໍຊິງຕັນ ແລະ ຕ້ອງການເຈລະຈາກັບອີກຝ່າຍ ເພື່ອຫາທາງອອກຮ່ວມກັນ ໃນການຮັກສາຄວາມຍຸຕິທໍາ ແລະ ການເປັນເສລີຂອງກົນໄກການຄ້າໂລກ. …