ປະຊາຊົນຫລາຍພັນຄົນໃນແຂວງຊາວາຕາເວັນອອກຂອງອິນໂດເນເຊຍຢູ່ໃນສະພາບແຕກຕື່ນ ແລະ ເຝົ້າລະວັງ ຫລັງພູໄຟເຊເມຣູ ເຊິ່ງເປັນພູໄຟທີ່ມີພະລັງສູງທີ່ສຸດໃນເກາະ ເກີດການລະເບີດຂຶ້ນຢ່າງຮຸນແຮງໃນວັນທີ 4 ທັນວາ ຈົນເຮັດໃຫ້ທາງການຕ້ອງກຳນົດເຂດຫ້າມເຂົ້າໃນລັດສະໝີ 8 ກິໂລແມັດຈາກຍອດພູ ແລະ ບັງຄັບອົບພະຍົບປະຊາຊົນໃນຫລາຍບ້ານອ້ອມພູໄຟ. ຜົນຈາກການລະເບີດຂອງພູໄຟເຊເມຣູຄວາມສູງ 3.676 ແມັດ ໃຫ້ມີຂີ້ເຖົ່າພູໄຟຈຳນວນຫລາຍລອຍອອກມາປົກຄຸມເນື້ອທີ່ປູກຝັງ ແລະ ສິ່ງປຸກສ້າງອ້ອມຮອບ. ຂະນະທີ່ທ້ອງຟ້າເໜືອພູໄຟກາຍເປັນສີດຳ….

ສື່ທ້ອງຖິ່ນຍີ່ປຸ່ນລາຍງານການຈັບກຸມຄູຜູ້ຍິງ 3 ຄົນ ເຊິ່ງເຄີຍເຮັດວຽກຢູ່ໂຮງຮຽນກຽມອະນຸບານຊາກຸຣະ ໂຮອິຄຸເອນ ໃນເມືອງຊູໂຊໂນະ ແຂວງຊິຊູໂອກະ ທາງຕອນກາງຂອງປະເທດ ໃນວັນທີ 4 ທັນວາ ຂໍ້ຫາກະທຳທາລຸນເດັກອ່ອນທີ່ຢູ່ໃນການເບິ່ງແຍງຂອງພວກນາງ. ການດຳເນີນການເບື້ອງຕົ້ນເກີດຂຶ້ນຫລັງຈາກມີການເປີດເຜີຍວ່າ: ອະດີດຄູໂຮງຮຽນເອກະຊົນກຸ່ມນີ້ກ່ຽວຂ້ອງກັບກໍລະນີກະທຳທາລຸນລະຫວ່າງເດືອນມິຖຸນາ-ສິງຫາ ຈຳນວນ 15 ກໍລະນີ ເຊິ່ງລວມທັງການຈັບເດັກອາຍຸ 1 ປີຫ້ອຍຫົວ,…

ວັນທີ 2 ທັນວາ, ກຸ່ມປະເທດສະມາຊິກສະຫະພາບເອີຣົບ (EU) ມີມະຕິກຳນົດເພດານລາຄານ້ຳມັນດິບຂອງຣັດເຊຍ ເຊິ່ງຖືກຂົນສົ່ງຜ່ານທາງເຮືອບັນທຸກນ້ຳມັນ ຢູ່ລະດັບ 60 ໂດລາສະຫະລັດຕໍ່ບາເຣລ. ການຕັດສິນໃຈດັ່ງກ່າວຈະຕ້ອງໄດ້ຮັບການອະນຸມັດຢ່າງເປັນທາງການດ້ວຍຂັ້ນຕອນທີ່ເປັນລາຍລັກອັກສອນ, ສ່ວນລາຍລະອຽດຂໍ້ຕົກລົງມີກຳນົດເຜີຍແພ່ໃນວາລະສານກົດໝາຍຂອງສະຫະພາບເອີຣົບໃນວັນທີ 4 ທັນວາ. ມະຕິດັ່ງກ່າວສັ່ງຫ້າມການໃຫ້ບໍລິການດ້ານປະກັນໄພ, ການເງິນ ແລະ ອື່ນໆ ສຳລັບການຂົນສົ່ງນ້ຳມັນຂອງຣັດເຊຍ ຖ້ານ້ຳມັນຖືກຂາຍໃນລາຄາສູງກວ່າ…

ອົງການອະນາໄມໂລກ (WHO) ຄາດຄະເນວ່າ: 90% ຂອງປະຊາກອນໂລກມີພູມຕ້ານທານພະຍາດໂຄວິດ-19 ແລ້ວໃນປັດຈຸບັນ, ແຕ່ເຕືອນວ່າ: ອາດຈະມີໂຄວິດສາຍພັນໃໝ່ເກີດຂຶ້ນອີກ. ທ່ານ ທີໂດສ ອັດຮານອມ ກີບຣີເຢຊຸສ ຜູ້ອຳນວຍການໃຫຍ່ຂອງ WHO ກ່າວວ່າ: ການເຝົ້າລະວັງທີ່ອ່ອນແອກຳລັງເປີດປະຕູໃຫ້ໄວຣັສສາຍພັນໃໝ່ປາກົດຂຶ້ນ ແລະ ເຂົ້າຄອບຄອງໂລກແທນໄວຣັສສາຍພັນໂອມິຄຣອນ. “WHO ຄາດຄະເນວ່າ:…

  ສຳນັກຂ່າວຊ່ອງ 3 ໄທ ລາຍງານໃຫ້ຮູ້ວ່າ:ໃນວັນທີ 3 ທັນວາ 2022 ນີ້ ກົມລ້ຽງສັດ ສົ່ງເຈົ້າໜ້າທີ່ດ່ານກັກກັນສັດຊົນບູລີ ບຸກກວດສອບແຫລ່ງລັກລອບຜະລິດວັດຖຸດິບ ຊີ້ນສັດ ແຊ່ໃນຖັງນ້ຳປະສົມສານຟໍມາລິນ ລາຍໃຫຍ່ ເພື່ອສົ່ງຂາຍໃຫ້ຮ້ານຊີ້ນດາດ ແລະ ຮ້ານອາຫານອີສານ ຫລາຍກວ່າ 66…

ສຳນັກຂ່າວຕ່າງປະເທດລາຍງານວ່າ: ວັນທີ 3 ທັນວາ ທີ່ຜ່ານມາ ລັດຖະສະພາອິນໂດເນເຊຍກຽມຜ່ານ ຮ່າງກົດໝາຍ ຫ້າມພົນລະເມືອງມີເພດສຳພັນນອກສົມລົດ ຫລື ຫ້າມມີເພດສຳພັນກ່ອນແຕ່ງງານ ພາຍໃນເດືອນນີ້ ໂດຍກຳນົດລົງໂທດສູງສຸດຕິດຄຸກເຖິງ 1 ປີ. ຮ່າງກົດໝາຍດັ່ງກ່າວຈະມີການລົງມະຕິພາຍໃນອາທິດໜ້າ ເຊິ່ງມີຜົນບັງຄັບໃຊ້ກັບປະຊາຊົນອິນໂດເນເຊຍ ແລະ ຄົນຕ່າງປະເທດ, ເຊິ່ງຮ່າງກົດໝາຍນີ້ມີມາແຕ່ປີ 2019…