ສະຫະພັນບານເຕະແຫ່ງຊາດ ຈັດການຝຶກອົບຮົມກຳມະການຕັດສິນບານເຕະຟຸດຊໍລະດັບສູງ
ໃນລະຫວ່າງວັນທີ 24 – 28/04/2017 ຢູ່ທີ່ (ສູນຝຶກກິລາ ບານເຕະຫ້ວຍຫົງ), ສະຫະພັນ ບານເຕະແຫ່ງຊາດລາວ ໄດ້ຈັດ ການຝຶກອົບຮົມກຳມະການຕັດ ສິນບານເຕະຟຸດຊໍລະດັບສູງ (A FC Futsal Refereeing Cou rse) ໂດຍມີ ທ່ານ BALAS PORFERIO JR ວິທະຍາ ກອນ ຈາກ ເອເອັຟຊີ ຊາວ ຟີ ລິບປິນ ເປັນຜູ້ຖ່າຍທອດຄວາມຮູ້ ໃຫ້ແກ່ນັກສຳມະກອນ 30 ຄົນທີ່ ເຂົ້າຮ່ວມ ເຊິ່ງມາຈາກ ນະຄອນ ຫລວງ 22 ຄົນ, ແຂວງຫົວພັນ 2 ຄົນ, ແຂວງຄຳມ່ວນ 2 ຄົນ, ແຂວງຊຽງຂວາງ 1 ຄົນ ແລະ ສະຫະພັນບານເຕະແຫ່ງຊາດ ລາວ 3 ຄົນ.
ການຝຶກອົບຮົມໃນຄັ້ງນີ້ນັກສໍາມະກອນແມ່ນຈະໄດ້ຮຽນຮູ້ ທາງດ້ານທິດສະດີ ແລະ ປະຕີບັດ ຕົວຈິງ.
ສຳລັບແຜນການເຄື່ອນ ໄຫວ ອະນຸກຳມະການບານເຕະ ຟຸດຊໍ ແລະ ຫາດຊາຍ ຈະໄດ້ຈັດ ການຝຶກອົບຮົມຄູຝຶກໃບປະກາດຟຸດຊໍລະດັບ 01 ຈັດໂດຍຄູຝຶກມາ ຈາກສະຫະພັນບານເຕະອາຊີ (AFC Futsal Level 1 Coa ching Course) ໃນລະຫ່ວາງ ວັນທີ 08 -13/06/2017 ຢູ່ທີ່ ສະຫະພັນບານເຕະແຫ່ງຊາດ ລາວ(ຫ້ວຍຫົງ).
ນັກສຳມະນາກອນທີ່ຈະມາເຂົ້າຮ່ວມຝຶກອົບຮົມຄູຝຶກໃບປະ ກາດຟຸດຊໍລະດັບ 01 ຂອງສະຫະ ພັນບານເຕະອາຊີ(AFC) ຕ້ອງ ມີເງື່ອນໄຂດັ່ງນີ້:
- ຕ້ອງມີອາຍຸ 25 ປີຂຶ້ນໄປ (ບໍ່ຈຳກັດເພດ).
- ລະດັບການສຶກສາຢ່າງ ຕໍ່າຈົບ ມໍ ປາຍຂຶ້ນໄປ ແລະ ມີ ຄວາມຮູ້ພາສາອັງກິດ ຍິ່ງເປັນ ການດີ
- ມີສະພາບຮ່າງກາຍ ແຂງແຮງສົມບູນດີ ແລະ ມີໃຈມັກ ໃນກິລາບານເຕະຟຸດຊໍ, ມີຄວາມ ບຸກບືນສູງ ແລະ ພ້ອມຜະເຊີນໜ້າ ກັບຄວາມທ້າທາຍຕໍ່ອາຊີບນີ້.
- ຄ່າສະຫມັກ 200,000ກີບ/ຕໍ່ຄົນ.
- ສິ່ງທີ່ນັກສຳມະນາກອນ ທີ່ຈະໄດ້ຮັບ: ຊຸດຝຶກອົບຮົມ 2 ຊຸດ/ຄົນ, ໃບຢັ້ງຢືນ, ແລະ ພ້ອມ ທັງໄດ້ຮັບໃບປະກາດ(ຖ້າເສັງ ຜ່ານ), ອາຫານທ່ຽງ, ສຳລັບ ນັກສຳມະນາກອນຈາກຕ່າງ ແຂວງ ແມ່ນຈະໄດ້ຮັບເພີ່ມ ອາ ຫານເຊົ້າ ແລະ ແລງ.
- ເປີດຮັບຈໍານວນຈໍາກັດ ພຽງແຕ່ 20 ຄົນເທົ່ານັ້ນ.
- ສະຖານທີ່ຝຶກອົບຮົມ ແມ່ນຢູ່ທີ່ ສະຫະພັນບານເຕະແຫ່ງ ຊາດລາວ (ສູນຝຶກກິລາບານເຕະ ຫ້ວຍຫົງ) – ລາຍລະອຽດ: ມາ ຕິດຕໍ່ເອົາແບບຟອມໃບສະໝັກທີ່ ສະຫະພັນບານເຕະແຫ່ງຊາດ ລາວ ວັນຈັນເຖິງວັນສຸກໃນໂມງ ລັດຖະການ ທີ່ໜ່ວຍງານຟຸດຊໍ ໂທ: 020 78575554, 554 11932, E-mail: futsal-bsoccer@laoff.org.la.
