ໄທສັນ ຟີວຣີ ກຽມດວນກຳປັ້ນກັບ ຟານຊິສ ເອັນການນູ ອະດີດແຊ້ມ UFC ທີ່ຊາອຸດິ ອາຣາເບຍ ວັນທີ 28 ຕຸລານີ້
July 12, 2023 - 3:00 PM
ເປັນທີ່ດຶງດູດຄວາມສົນໃຈຂອງແຟນມວຍເມື່ອ ທັອບແຣັງ ນັກຈັດມວຍລະດັບໂລກປະກາດວ່າ ໄທສັນ ຟີວຣີ ແຊ້ມໂລກລຸ້ນໃຫຍ່ຊາວອັງກິດ ຈະຂຶ້ນຊົກພົບກັບ ຟານຊິສ ເອັນການນູ ອະດີດນັກມວຍ ແຊ້ມໂລກ UFC ທີ່ປະເທດ ຊາອຸດິ ອາຣາເບຍ.
ການແຂ່ງຂັນມວຍຂ້າມວົງການຈະຈັດຂຶ້ນໃນວັນທີ 28 ເດືອນຕຸລາໃນເມືອງ ຣິຢາດ. ຊາອຸດິອາຣາເບຍ ຫລັງຈາກທັງສອງຝ່າຍຕົກລົງກັນຮຽບຮ້ອຍ ເຊິ່ງທັງສອງຈະຕໍ່ສູ້ພາຍໃຕ້ກົດກະຕິກາຂອງມວຍສາກົນອາຊີບ. ໃຊ້ວິທີການຕັດສິນຄະແນນນັບ 10 ໃນແຕ່ລະຍົກວ່າໃຜຊົກໄດ້ດີກວ່າມີຜູ້ຕັດສິນ 3 ຄົນ, ແຕ່ຈະຊົກຈັກຮອບຕ້ອງລໍຖ້າອັບເດດ.
