ກາເນໂລ ອັລບາເຣສ ຊະນະຄະແນນ ຜູ້ທ້າຊີງເປັນເອກກະພາບ ປ້ອງກັນ 4 ສາຍແອວແຊ໊ມໄວ້ໄດ້

ກາເນໂລ ອັລບາເຣສ ຍັງແຂງແຮງເອົາຊະນະຜູ້ທ້າຊີດ້ວຍຄະແນນຢ່າງເປັນເອກະພາບໃນການແຂ່ງຂັນຫຼ້າສຸດ. ​ເຮັດ​ໃຫ້​ສືບ​ຕໍ່​ຮັກສາ​ສາຍ​ແອວ​ແຊ້ມ 4 ສະ​ຖາ​ບັນ​ໃຫຍ່ໄວ້ຕໍ່ໄປ,

ນັກມວຍຊາວເມັກຊິໂກ ກາເນໂລ ອັລບາເຣສ ຍັງ​ສາ​ມາດ​ປ້ອງກັນ​ສາຍ​ແອວ​ແຊ້ມ​ຈາກ 4 ສະ​ຖາ​ບັນ​ໃຫຍ່​ ໃນ​ລຸ້ນ​ຊຸບ​ເປີ​ມິ​ດ​ເດິນ​ເວ​ດໄດ້ ຫຼັງ​ຈາກເອົາ​ຊະ​ນະຄະແນນ ຈອນ ໄຣ​ເດີ  ອັງກິດແບບເປັນເອກກະພາບ ​ໃນ​ການຊົກມວຍ​ທີ່​ເມືອງ ກວາດາລາຮາຣາ ປະ​ເທດ​ເມັກ​ຊິ​ໂກ ​ໃນ​ວັນ​ທີ 6 ພຶດສະພາ​ນີ້.

​ການຊົກຄັ້ງນີ້ ອັລບາເລດ  ຊະນະ​ດ້ວຍ​ຄະ​ແນນ 118-109, 118-109 ແລະ 120-107, ​ເຮັດ​ໃຫ້ ອັລບາເລດ ສາມາດ​ປ້ອງ​ກັນ​ແຊ້ມ​ສະມາຄົມ​ມວຍ​ໂລກ. (WBA), ສະພາມວຍໂລກ (WBC), ອົງການມວຍໂລກ (WBO) ແລະ ສະຫະພັນມວຍສາກົນ (IBF) ເອົາໄວ້ໄດ້.

ສ່ວນສະຖິຕິການຊົກມວຍອາຊີບຂອງ ກາເນໂລ ອັລບາເຣສ ຂື້ນເວທີແລ້ວ 63 ຄັ້ງ, ຊະນະ 59 ຄັ້ງ (ນ໊ອກ 39 ຄັ້ງ), ສະເໝີ 2 ຄັ້ງ, ເສຍ 2 ຄັ້ງ. ເຊິ່ງຫລັງຈົບການແຂ່ງຂັນ ກາເນໂລ ອັລບາເຣສ  ກ່າວ “ຂ້ອຍມີຄວາມສຸກກັບການຊົກມວຍ ຂ້ອຍຊະນະ ແລະ ດີໃຈທີ່ຜູ້ຄົນໄດ້ຊົມການຊົກທີ່ສຸດຍອດແບບນີ້ ”.