10 ວິທີ ຮັກ ແລະ ໃຈດີກັບຕົວເອງ ໃນມື້ທີ່ຫລາຍສິ່ງຫລາຍຢ່າງບໍ່ໃຈດີກັບເຮົາ.
November 15, 2022 - 4:23 PM
ການຮັກຕົວເອງເປັນສະພາວະຂອງການເຫັນຄຸນຄ່າໃນຕົນເອງ ມັນເປັນການໄດ້ເບິ່ງຄວາມເຕີບໃຫຍ່ທີ່ເກີດຈາກການກະທໍາຂອງຕົວເອງ ບໍ່ວ່າຈະເປັນການເຕີບໃຫຍ່ຂອງຮ່າງກາຍ, ຈິດໃຈ ຫລື ຈິດວິນຍານຂອງເຮົາ. ດັ່ງນັ້ນ, ການຮັກຕົວເອງຈຶ່ງໝາຍເຖິງການຮັບຮູ້ສິ່ງທີ່ຕົວເອງເປັນ ແລະ ຮູ້ຈັກຄິດເຖິງຄວາມສຸກຂອງຕົວເອງກ່ອນ, ໃຈດີກັບຕົວເອງໃຫ້ໄດ້ກ່ອນ ແລ້ວຈຶ່ງເພື່ອແຜ່ຄົນອື່ນ. ຄວາມໝາຍຂອງການຮັກຕົວເອງໃນອີກແງ່ມຸມໜຶ່ງຈຶ່ງໝາຍເຖິງການເບິ່ງແຍງຄວາມຕ້ອງການຂອງຕົວເອງ ແລະ ບໍ່ຍອມເສຍສະລະຄວາມເປັນຢູ່ທີ່ດີເພື່ອຄົນອື່ນນັ້ນເອງ. ເປັນຫຍັງ Self-Love ຈຶ່ງສໍາຄັນ? ເພາະວ່າມັນສໍາຄັນໃນການຂັບເຄື່ອນຊີວິດຂອງເຮົາໃນແຕ່ລະມື້ໄດ້ຢ່າງມີຄວາມສຸກ ເຖິງວ່າຈະມີຄວາມສຸກໜ້ອຍ ແຕ່ກໍດີກວ່າມີທຸກ, ດັ່ງສິ່ງທີ່ພວກເຮົາລາວພັດທະນານໍາມາໃຫ້ທຸກທ່ານໄດ້ລອງເຮັດ ເພື່ອຊ່ວຍໃຫ້ອາລົມດີຂຶ້ນ ແລະ ສຸຂະພາບຈິດກໍຈະດີຂຶ້ນ ດັ່ງນີ້:
- ສິ່ງທໍາອິດແມ່ນ ຮັກຕົວເອງ
- ໃຫ້ຮ່າງກາຍໄດ້ພັກຜ່ອນເຕັມທີ່
- ກິນອາຫານທີ່ຕົນຢາກກິນ
- ໃຊ້ເງິນກັບສິ່ງທີ່ມີຄຸນຄ່າທາງໃຈ
- ຍິ້ມ-ຫົວ ໃຫ້ຫລາຍຂຶ້ນ
- ລຶບ-ລ້າງ-ລືມ ເລື່ອງບໍ່ດີ ທີ່ເຄີຍພົບ
- ບໍ່ເຂົ້າຮ່ວມ ຫລື ບໍ່ຟັງຄໍານິນທາຄົນອື່ນ
- ຊື່ສັດກັບຕົວເອງ
- ພາຕົວເອງໄປຢູ່ໃນບ່ອນທີ່ສະບາຍໃຈ
- ເຮັດເລື່ອງດີໆ ໃຫ້ໄດ້ມື້ລະ 1 ຢ່າງ
