Liz Truss ລາອອກແລ້ວ ຫລັງເປັນນາຍົກລັດຖະມົນຕີອັງກິດ 45 ວັນ ສັ້ນສຸດໃນປະຫວັດສາດ

Liz Truss ນາຍົກລັດຖະມົນຕີອັງກິດ ປະກາດລາອອກຈາກຕຳແໜ່ງ ຫລັງດຳລົງຕຳແໜ່ງນາຍົກລັດຖະມົນຕີພຽງ 45 ວັນ ເຊິ່ງເປັນໄລຍະເວລາສັ້ນທີ່ສຸດໃນປະຫວັດສາດ.

ການລາອອກຂອງນາງ Truss ມີຂຶ້ນຫລັງຕ້ອງຜະເຊີນກະແສກົດດັນເລື່ອງນະໂຍບາຍດ້ານການເງິນ ແລະ ພາສີ ເຊິ່ງຖືກເບິ່ງວ່າສ້າງຄວາມປັ່ນປ່ວນໃຫ້ຕະຫລາດການເງິນ.

ກ່ອນໜ້ານີ້, ນາງ Truss ຫາກໍເຂົ້າຮັບຕຳແໜ່ງນາຍົກລັດຖະມົນຕີແທນທ່ານ ບໍຣິສ ຈອນສັນ ໃນວັນທີ 6 ກັນຍາຜ່ານມາ ຖືເປັນນາຍົກລັດຖະມົນຕີຄົນສຸດທ້າຍທີ່ໄດ້ຮັບການແຕ່ງຕັ້ງໂດຍສົມເດັດພະຣາຊິນີນາກເອລິຊາເບດທີ 2 ກ່ອນພະອົງຈະເສຍຊີວິດພຽງ 2 ວັນ.

ຕໍ່ຈາກນີ້ ທາງພັກອະນຸລັກນິຍົມຈະມີການເລືອກຫົວໜ້າພັກຄົນໃໝ່ພາຍໃນອາທິດໜ້າ ແລະ ຜູ້ທີ່ໄດ້ຮັບເລືອກຈະກ້າວຂຶ້ນມາເປັນນາຍົກລັດຖະມົນຕີຄົນຕໍ່ໄປ. ຂະນະທີ່ທ່ານ ເຊີ ເດຍ ສະຕາເມີ ຫົວໜ້າພັກແຮງງານ ເຊິ່ງເປັນພັກຝ່າຍຄ້ານ ອອກມາຮຽກຮ້ອງໃຫ້ມີການເລືອກຕັ້ງໃໝ່ໃນທັນທີ.

ອ້າງອີງ:

https://www.reuters.com/…/uks-truss-says-she-is…/

https://www.bbc.com/news/live/uk-politics-63309400