ເຢຍລະມັນລະດົມທີມແພດ ເລັ່ງສັກວັກຊີນໂຄວິດໃຫ້ປະຊາຊົນ

​ເຢຍລະ​ມັນ​ລະດົມ​ກຳລັງ​ທີ​ມ​ແພດ​ນັບ​ໝື່ນ​ເລັ່ງສັກ​ວັກ​ຊີ​ນປ້ອງ​ກັນ​ໂຄ​ວິດ-19 ​ໃຫ້​ປະຊາຊົນ, ຂະນະ​ທີ່​ສະຖານະ​ການ​ການ​ແຜ່​ລະບາດ​ໃນ​ເອີຣົບຍັງ​ວິ​ກິດ.

ວັນ​ທີ 7 ​ເມສາ 2021, ລັດຖະບານ​ເຢຍລະ​ມັນ​ເລັ່ງດຳ​ເນີນ​ການ​ສັກ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ໃຫ້​ປະຊາຊົນ ດ້ວຍ​ການ​ແຈກ​ຢາຍ​ວັກ​ຊີ​ນ​ໄປ​ທົ່ວ​ປະ​ເທດ ພ້ອມ​ອະນຸຍາດ​ໃຫ້​ແພດ​ປະຕິບັດ​ທົ່ວ​ໄປ​ປະມານ 35.000 ຄົນ ສາມາດ​ດຳ​ເນີນ​ການ​ສັກ​ໄດ້.

ທັງ​ນີ້, ​ເຢຍລະ​ມັນ​ເລີ່​ມ​ໂຄງການ​ສັກ​ວັກ​ຊີ​ນ​ໃຫ້​ປະຊາຊົນ​ມາ​ແຕ່​ທ້າຍ​ເດືອນ​ທັນວາ 2020 ​ໂດຍ​ໄລຍະ​ທຳ​ອິດ​ໄດ້​ຈັດ​ໃຫ້​ມີ​ການ​ສັກ​ວັກ​ຊີ​ນພຽງ​ໃນ​ສູນ​ວັກ​ຊີ​ນທີ່​ກຽມ​ໄວ້​ພຽງ 430 ​ແຫ່ງ​ເທົ່າ​ນັ້ນ.

ກະຊວງ​ສາທາລະນະ​ສຸກ​ຂອງ​ເຢຍລະ​ມັນ​ເປີດ​ເຜີຍ​ວ່າ: ​ເຢຍລະ​ມັນ​ຈະ​ຈັດ​ສົ່ງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຂອງ​ໄຟ​ເຊີ-​ໄບ​ອອນ​​ແທັກ ຈຳນວນ 940.000 ​ໂດ​ສ ​ໃຫ້​ແພດ​ປະຕິບັດ​ທົ່ວ​ໄປ​ພາຍ​ໃນ​ສອງ​ອາທິດ​ນີ້ ​ແລະ ຈະ​ຈັດ​ສົ່ງ​ວັກ​ຊີ​ນຂອງ​ແອ​ສຕຣາ​ເຊ​ນ​ເນ​ກ້າ ​ແລະ ຈອນ​ສັນ​ແອນ​ຈອນ​ສັນ​ໃຫ້​ຄລີ​ນິກ​ໃນ​ລັດ​ຕ່າງໆ​ຕໍ່​ໄປ.

ການ​ເຄື່ອນ​ໄຫວ​ດັ່ງກ່າວ​ມີ​ຂຶ້ນ​ໃນ​ຂະນະ​ທີ່​ປະ​ເທດ​ເອີຣົບກຳລັງ​ພະຍາຍາມ​ຮັບ​ມື​ກັບ​ການລະບາດ​ຂອງ​ພະຍາດ​ໂຄ​ວິດ-19 ຮອບ 3 ​ເຊິ່ງ​ເຮັດ​ໃຫ້​ຫລາຍ​ປະ​ເທດ​ຕ້ອງ​ຍົກ​ລະດັບ​ມາດ​ຕະການ​ສະກັດ​ກັ້ນການ​ແຜ່​ລະບາດ ​ແລະ ​ເລັ່ງຄວາມ​ໄວ​ໃນ​ການ​ສັກ​ວັກ​ຊີ​ນ​​ແກ່​ປະຊາຊົນ​ໃຫ້​ຫລາຍ​ທີ່​ສຸດ.

ອ້າງ​ອີງ: – http://www.xinhuanet.com/…/2021-04/06/c_139862736.html

– https://www.thelocal.de/…/germanys-gps-begin…/

– https://www.deutschland.de/…/coronavirus-in-germany…

– https://www.reuters.com/…/germanys-confirmed…