ຫວຽດນາມ ເລີ່ມຫລຸດຜ່ອນມາດຕະການທາງສັງຄົມ

ແຫລງຂ່າວ​ ​ຫວຽດນາມ ລາຍງານເມື່ອ​ບໍ່​ດົນ​ມາ​ນີ້ວ່າ: ລັດຖະບານ​ ຫວຽດນາມ ​ເລີ່​ມຫລຸດຜ່ອນ​ມາດ​ຕະການ​ທາງ​ສັງຄົມທີ່​ບັງຄັບ​ໃຊ້ມາຕັ້ງ​ແຕ່ຕົ້ນ​ເດືອນ​ນີ້ແຕ່​ຍັງ​ສືບຕໍ່ປະຕິບັດ​ແນວທາງ​ສຳຄັນ​ໄວ້ເປັນຕົ້ນການ​ໃສ່​ຜ້າອັດ​ປາກ​ເມື່ອ​ອອກ​ນອກ​ເຄຫາ​ສະຖານ ​ແລະ ຫ້າມການເຕົ້າ​ໂຮມກຸ່ມ​ນອກ​ເຄຫາ​ສະຖ​ານ ຫລັງ​ຈາກສະຖານ​ປະກອບ​ການ​ທຸລະ​ກິດ​ຫລາຍ​ແຫ່ງກັບ​ມາ​ເປີດ​ບໍລິການ ​ແລະ ສະພາບ​ການສັນຈອນຕາມ​ທ້ອງຖະໜົນເລີ່​ມກັບ​ມາ ​ໜາ​ແໜ້ນ​ຂຶ້ນ​ກວ່າ​ເກົ່າ. ​ຫວຽດນາມ​ ເປັນ​ປະ​ເທດ​ໜຶ່ງ​ທີ່​ມີ​ຊາຍ​ແດນຕິດ​ກັບ​ຈີນ ​ແລະ ​ເປັນ​ໜຶ່ງ​ປະ​ເທດໃນ​ກຸ່ມ​ທຳ​ອິດທີ່​ມີ​ການ​ຢືນຢັນຜູ້​ຕິດ​ເຊື້ອ ​ໂຄ​ວິດ-19 ​ແຕ່​ຈຳນວນຜູ້​ຕິດ​ເຊື້ອ​ ໃນ​ປັດຈຸບັນ ລວມມີ 268 ຄົນ ​ແລະ ​ໄດ້​ຮັບ​ການ ​ປິ່ນປົວຫາຍ​ດີ​ອອກ​ຈາກ​ ໂຮງໝໍ​ແລ້ວ  223 ຄົນ ​ໂດຍ​ຍັງ​ບໍ່​ມີ​ ລາຍ​ງານຜູ້​ເສຍ​ຊີວິດ.