ລູກຝາແຝດເກີດໃນຊ່ວງພະຍາດລະບາດ, ເລີຍຕັ້ງຊື່ລູກ ວ່າ: “Corona” ແລະ “Covid”
April 7, 2020 - 8:18 AM
ໂດຍ: ລູກເມືອງພວນ
ແຫຼ່ງຂ່າວຈາກ PTI, ວັນທີ 3 ເມສານີ້ ໃຫ້ຮູ້ວ່າ: ມີຄູ່ຝາແຝດຄູ່ໜື່ງທີ່ເມືອງ Raipur ໃນປະເທດອິນເດຍໄດ້ເກີດມືນຕາເຫັນໂລກ ໃນຊ່ວງໄລຍະພະຍາດລະບາດຢ່າງຮ້າຍແຮງໄປໃນທົ່ວໂລກ, ເດັກຝາແຝດທັງສອງຈຶ່ງຖືກຕັ້ງຊື່ວ່າ “Corona” ແລະ “Covid”
ເຖິງແມ່ນວ່າຊື່ດັ່ງກ່າວຈະເປັນໜ້າຢ້ານກົວຕໍ່ທຸກຄົນກໍ່ຕາມ, ແຕ່ສຳລັບພວກເຂົາແລ້ວ ຊື່ທີ່ມີສັນຍາລັກຕໍ່ເຫດການຄັ້ງນີ້ແມ່ນມີຄວາມໝາຍສະແດງເຖິງຄວາມພະຍາຍາມຜ່ານຜ່າວິກິດການທຸກຢ່າງຂອງຄູ່ແຝດ (ຊາຍ1 ຍິງ1), ເດັກຝາແຝດກຳເນີດເມື່ອຄໍ່າຄືນຂອງວັນທີ 26 ຕໍ່ ວັນທີ 27 ມີນາ ທີ່ຜ່ານມາ.
ພໍ່ແມ່ຂອງເດັກຝາແຝດໃຫ້ຮູ້ວ່າ: ເຂົາອາດຈະຕັດສິນໃຈປ່ຽນຊື່ລູກກໍເປັນໄດ້ໃນເມື່ອພະຍາດໂຄວິດສີ້ນສຸດລົງ.
ພວກຂ້ອຍໃສ່ຊື່ໃຫ້ລູກວ່າ: Covid (ເດັກຊາຍ) ແລະ Corona (ເດັກຍິງ) ກໍເພາະວ່າ: ໃຫ້ເປັນຊື່ລະນຶກເຖິງຄວາມຊົງຈໍາໃນຄັ້ງໜື່ງທີ່ເຄີຍມີພະຍາດລະບາດຮ້າຍແຮງໄປໃນທົ່ວໂລກເຊິ່ງເອີ້ນກັນວ່າ: ໄວຣັດ ໂຄໂລນາເຊື້ອຈຸລະໂຣກສາຍພັນໃໝ່ ຫຼື ໂຄວິດ-19 ນັ້ນເອງ./.
