ແຕ່ງຕັ້ງຮັກສາການຫົວໜ້າພະແນກສາທາລະນະສຸກແຂວງຫລວງພະບາງ
ພິທີແຕ່ງຕັ້ງຮັກສາການຫົວໜ້າພະແນກສາທາລະນະສຸກ ແຂວງຫຼວງພະບາງ ໄດ້ຈັດຂຶ້ນໃນອາທິດຜ່ານມາ ໂດຍການເປັນປະທານຂອງທ່ານ ສາຍສະໝອນ ຄົມທະວົງ ປະທານສະພາປະຊາຊົນແຂວງ, ມີຕາງໜ້າກະຊວງສາທາລະສະສຸກ, ພະແນກການຂອງແຂວງ, ຫົວໜ້າຫ້ອງການສາທາລະນະສຸກ-ໂຮງໝໍເມືອງ, ນະຄອນເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ອຳພອນ ພະລາມມີໄຊ ຫົວໜ້າພະແນກສາທາລະນະສຸກແຂວງ ຜູ້ເກົ່າທີ່ພັກຜ່ອນຮັບບຳນານ ໄດ້ຂຶ້ນຜ່ານຜົນງານການເຄື່ອນໄຫວ ແລະ ການຊີ້ນໍາ-ນໍາພາຈັດຕັ້ງປະຕິບັດວຽກງານໃນຂົງເຂດສາທາລະນະສຸກ ແຂວງຫຼວງພະບາງ ຕະຫຼອດໄລຍະຜ່ານມາ, ທ່ານໄດ້ສຸມສະຕິປັນຍາ ເຮື່ອແຮງ ເຂົ້າໃນພະລະກິດທີ່ພັກ-ລັດ ກໍຄືແຂວງຫຼວງພະບາງ ມອບໝາຍໃຫ້ ເຫັນວ່າມີຜົນສຳເລັດຫຼາຍດ້ານ ແລະ ມີການພັດທະນາດີຂຶ້ນ ເປັນຕົ້ນ ຕາໜ່າງສາທາລະນະສຸກໄດ້ຮັບການຂະຫຍາຍຕົວ, ປະຊາຊົນເຂົ້າເຖິງການບໍລິການການປິ່ນປົວ, ອັດຕາການຕາຍຂອງແມ່ ແລະ ເດັກນ້ອຍຫຼຸດລົງ, ວຽກງານແຕ່ລະດ້ານໄດ້ຮັບການປັບປຸງ ແລະ ຫັນໄປສູ່ທັນສະໄໝເທື່ອລະກ້າວ.
ຈາກນັ້ນ, ຕາງໜ້າຄະນະຈັດຕັ້ງແຂວງ ໄດ້ຂື້ນຜ່ານ ຂໍ້ຕົກລົງຂອງຄະນະເລຂາທິການສູນກາງພັກ ແລະຜ່ານຂໍ້ຕົກລົງຂອງທ່ານເຈົ້າແຂວງຫລວງພະບາງ ວ່າດ້ວຍການແຕ່ງຕັ້ງ ທ່ານ ຄຳສອນ ພົງສະຫັວດດີ ຈາກອຳນວຍການໂຮງໝໍແຂວງຫລວງພະບາງ ຂື້ນເປັນຮັກສາການຫົວໜ້າພະແນກສາທາລະນະສຸກແຂວງຫຼວງພະບາງ,
