4 ພືດທີ່ທ່ານຄວນກິນໃນຍາມໜາວ ຊ່ວຍເພີ່ມພູມຕ້ານທານໃຫ້ແກ່ຮ່າງກາຍ
ອາກາດໜາວໆເຢັນໆແບບນີ້
ອາດສົ່ງຜົນໃຫ້ຮ່າງກາຍຂອງບາງຄົນປັບສະພາບບໍ່ທັນ ເຮັດໃຫ້ເປັນໄຂ້ຫວັດ,
ບໍ່ສະບາຍ ຫລື ແພ້ອາກາດ.
ມື້ນີ້ພວກເຮົາຈຶ່ງແນະນຳພືດ 4 ຊະນິດທີ່ເໝາະສົມທີ່ຈະກິນໃນຍາມອາກາດໜາວແບບນີ້
ເພາະຈະຊ່ວຍເສີມສ້າງພູມຕ້ານທານໃຫ້ແກ່ຮ່າງກາຍ ແລະ ຊ່ວຍໃຫ້ຮູ້ສຶກດີຂຶ້ນໄດ້ ດັ່ງນີ້ :
1. ຜັກກະເພົາ : ເພາະມີລົດຊາດເຜັດຮ້ອນ ແລະ ມີກິ່ນຂິວ ທີ່ດົມແລ້ວເຮັດໃຫ້ດັງ ແລະ ຄໍໂລ່ງ ຊ່ວຍເພີ່ມຄວາມອົບອຸ່ນໃຫ້ຮ່າງກາຍຈາກລິດຮ້ອນ.
2. ຍອດໃບໝາກຂາມ : ມີວິຕາມິນເຊຫລາຍ ສາມາດຊ່ວຍເສີມສ້າງພູມຕ້ານທານ ປ້ອງກັນໄຂ້ຫວັດໄດ້
ທັງຍັງມີຄຸນສົມບັດຊ່ວຍຫລຸດຂີ້ກະເທີ່ໃນຮູຄໍນຳອີກ.
3. ໝາກມະລະ
: ລົດຊາດຂົມ ແລະ
ສົ້ມຂອງໝາກມະລະ ຊ່ວຍໃຫ້ທາດທັງ 4 ໃນຮ່າງກາຍມີຄວາມດຸ່ນດ່ຽງ ເອົາໄປຕົ້ມຈືດຊົດອຸ່ນໆ ຈະຊ່ວຍເພີ່ມຄວາມອົບອຸ່ນໃຫ້ຮູ້ສຶກດີຂຶ້ນໄດ້ທັນທີ.
4. ຂີງ
:
ມີຄຸນສົມບັດຊ່ວຍຫລຸດອາການອັກເສບ, ເສີມສ້າງພູມຕ້ານທານໃຫ້ແຂງແຮງ,
ແກ້ໄຂ້ຫວັດ,
ຫລຸດອາການໄອ,
ຊ່ວຍໄລ່ລົມ,
ແກ້ອາການຍຶ່ງທ້ອງ –
ແໜ້ນທ້ອງ ເຊິ່ງອາກາດໜາວໆແບບນີ້ ດື່ມນຳ້ຂີງ ຈະຊ່ວຍໃຫ້ຮູ້ສຶກອົບອຸ່ນຂຶ້ນໄດ້ແນ່ ນອນ.
ພືດທັງ 4 ຊະນິດນີ້ ເປັນພຽງພາກສ່ວນໜຶ່ງທີ່ພວກເຮົາເອົາມາແນະນຳທ່ານ ເຊິ່ງສາມາດຊ່ວຍເພີ່ມພູມຕ້ານທານໃຫ້ຮ່າງກາຍໄດ້ ນອກຈາກນີ້ຍັງມີພືດອີກຫລາຍຊະນິດທີ່ມີສັບພະຄຸນຊ່ວຍເພີ່ມຄວາມອົບອຸ່ນໃຫ້ແກ່ຮ່າງກາຍທີ່ທ່ານສາມາດເລືອກມາກິນໄດ້ ສິ່ງສຳຄັນ ຢ່າລືມອອກກຳລັງກາຍໃຫ້ສະໝໍ່າສະເໝີນຳ ເພື່ອສຸຂະພາບຮ່າງກາຍທີ່ແຂງແຮງສົມບູນໃນທຸກລະດູການ.
