ສະຫະລັດ-ຈີນ ອາດຈະສຳເລັດການເຈລະຈາການຄ້າຊົ່ວຄາວ
ຮຽບຮຽງໂດຍລູເມືອງພວນ
ສະຫະລັດ-ຈີນ ອາດຈະປະສົບຜົນສຳເລັດເຈລະຈາການຄ້າໃນເດືອນໜ້ານີ້ ໂດຍເງື່ອນໄຂຕ່າງໆຈຳນວນໜຶ່ງ- ນັກຊ່ຽວຊານດ້ານເສດຖະກິດ Chen Wenling ຄາດເດົາ.
Chen, ລະບຸວ່າ: ສອງຝ່າຍຈະປະສົບຜົນສຳເລັດການເຈລະຈາ ຖ້າຈີນຫາກຍອມຮັບຊື້ ພືດກະສິກຳຂອງສະຫະລັດ ແລະ ລັດຖະບານ ດໍໂນທຣຳຫາກ ແກ່ຍາວການຂຶ້ນພາສີ ກໍຄືການຜ່ອນຜັນການລົງໂທດຕໍ່ກຸ່ມບໍລິສັດ ຫົວເຫວີຍ ອອກໄປ.
“ ຖ້າຫາກຢາກໃຫ້ມີການຕົກລົງກັນໄດ້ໃນເດືອນໜ້ານີ້, ສະຫະລັດຕ້ອງຢືດເວລາຂຶ້ນພາສີຕໍ່ຈີນທີ່ມີກຳນົດຈັດຕັ້ງປະຕິບັດໃນວັນທີ 15 ຕຸລາຈະມາເຖິງອອກໄປ ” Chen ກ່າວ. “ ສະຫະລັດຄວນຍົກເລີກການຂຶ້ນພາສີຕໍ່ສິນຄ້າຂອງຈີນ, ໂດຍສະເພາະແມ່ນ ບໍ່ຄວນຂຶ້ນພາສີໃດໆຕື່ມອີກຕໍ່ ປັກກິງ ”
Chen ຢໍ້າອີກວ່າ: ຈີນບໍ່ຕ້ອງການວາງເງື່ອນໄຂໃດອີກນອກຈາກ ໃຫ້ຄຳໝັ້ນສັນຍາຊື້ ພືດກະເສດຂອງສະຫະລັດ, ລວມມີ: ຖົ່ວເຫຼືອງ ແລະ ຊີ້ນໝູ, ເພາະ ປັກກິງຍັງຢູ່ທ່າໄດ້ປຽບທາງການຄ້າກັບ ວໍຊິງຕັນ.
