ຈີນຈະຍົກເວັ້ນພາສີບາງລາຍການຕໍ່ສິນຄ້ານຳເຂົ້າຂອງສະຫະລັດ

ຮຽງຮຽງໂດຍ: ລູກເມືອງພວນ

ແຫຼ່ງຂ່າວທາງການຂອງຈີນວັນທີ 15 ກັນຍານີ້ລະບຸວ່າ: ຄະນະກຳມະການດ້ານອັດຕາພາສີຂອງຄະນະລັດຖະມົນຕີຂອງຈີນ ຈະຍົກເວັ້ນພາສີສິນຄ້າກະເສດບາງລາຍການນຳເຂົ້າຈາກສະຫະລັດ ເປັນຕົ້ນແມ່ນ ຖົ່ວເຫຼືອງ ແລະ ຊີ້ນໜູ ຈາກການຂຶ້ນພາສີສິນຄ້າທີ່ຈີນນຳເຂົ້າຈາກສະຫະລັດ ເພື່ອເປັນການຕອບຮັບການຕັດສິນໃຈຂອງສະຫະລັດໃນການເລື່ອນການເກັບພາສິສິນຄ້າຂອງຈີນທີ່ກຳນົດມີຜົນບັງຄັບໃຊ່ໃນວັນທີ 1 ຕຸລາຄົມນີ້ ແລະ ຈີນກໍຫວັງວ່າສະຫະລັດ ຈະຮັກສາຕາມຄຳໝັ້ນສັນຍາທີ່ມີໄວ້ກັບຈີນ ລວມເຖິງທັງການສ້າງສະພາບແວດລ້ອມທີ່ເອື້ອອຳນວນຄວາມສະດວກ ຕໍ່ຄວາມຮ່ວມມືດ້ານການກະເສດລະຫ່ວາງສອງປະເທດ. ຄະນະທີ່ກຳມະການປະຕິຮູບ ແລະ ພັດທະນາແຫ່ງຊາດ ແລະ ກະຊວງເສດຖະກິດຂອງຈີນກ່າວວ່າ: ຈີນຈະສະໜັບສະໜູນບໍລິສັດໃນປະເທດທີ່ມີການຊື້ຖົ່ວເຫຼືອງ ແລະ ຊີ້ໝູຈາກສະຫະລັດຕາມກົນໄກການຕະຫຼາດ ແລະ ກົດລະບຽບຂອງອົງການການຄ້າໂລກອີກດ້ວຍ.