ອີຣານ: ບໍ່ທັນເຖິງເວລາຈະໃຊ້ ມັງກອນໄຟ S-400
ເຕເຮຣານ ປະຕິເສດຂ່າວທີ່ວ່າ, ອີຣານຈະ ຊື້ລູກສອນໄຟປ້ອງກັນອາກາດ S-400 ນຳລັດເຊຍ ແຕ່ລັດເຊຍບໍ່ຍອມຂາຍໃຫ້. ຂ່າວສານ ຈາກສະຫະລັດກ່າວ.
ໂຄສົກກະຊວງການ ຕ່າງປະເທດ ອີຣານ Abbas Mousavi ກ່າວວ່າ: “ອີຣານຍັງບໍ່ທັນຮຽກຮ້ອງໃຫ້ລັດເຊຍຂາຍລູກສອນໄຟປ້ອງ ກັນອາກາດວິໄສໄກ S-400 ໃຫ້ກັບຕົນ. ພວກເຮົາບໍ່ທັນມີຄວາມຈຳເປັນຈະຊື້ອາວຸດດັ່ງກ່າວ”
ໜັງສືພິມ Bloomberg ຂອງສະຫະລັດໄດ້ອ້າງອີງຈາກແຫຼ່ງຂ່າວສະບັບໜຶ່ງວ່າ: ປະທານາທິບໍດີ ລັດເຊຍ Vladimir Putin ໄດ້ປະຕິເສດ ທີ່ຈະຂາຍລູກສອນໄຟປ້ອງກັນອາກາດວິໄສໄກ S-400 ໃຫ້ກັບ ເຕເຮຣານ ດ້ວຍເຫດ ຜົນທີ່ວ່າ, ການມີໜ້າຂອງ S-400 ຢູ່ໃນແຜ່ນດິນ ອີຣານ ຈະເພີ່ມຄວາມເຄັ່ງຕຶງຢູ່ທະ ເລຈີນໄຕ້. ອາດຈະຢູ່ເໜືອ ການຄວບຄຸມ ແລະ ຈະສ້າງການປະທະກັນທາງດ້ານການທະຫານ.
ການພົວພັນປ້ອງກັນຊາດລະຫ່ວາງ Moskva ແລະ Tehran ໄດ້ຮັບການ ເພີ່ມທະວີຂຶ້ນໃນຫຼາຍປີຜ່ານ ມານີ້ ໂດຍມີການພົບ ປະກັນຫຼາຍຄັ້ງລະຫ່ວາງກອງທັບ ຂອງສອງປະເທດ ແລະ ໄດ້ ເຊັນສັນຍາການຊື້-ຂາຍອາ ວຸດນຳກັນຫຼາຍສະບັບ.
ອີຣານໄດ້ຊື້ຫ້າງລູກສອນໄຟປ້ອງກັນອາກາດ ວິໄສໄກ S-300PMU-2 4 ຫ້າງນຳລັດເຊຍ ໃນປີ 2015, ພາຍຫຼັງ ລັດເຊຍ ຍົກເລີກ ໂຄງການລົງໂທດທາງອາວຸດ. ຫ້າງລູກສອນໄຟປ້ອງກັນອາກາດດັ່ງກ່າວມີອຳນາດສູງທີ່ສຸດຂອງໂລກ, ມີຄວາມສາມາດຊອກຄົ້ນຫາການອຳພາງຕົວຂອງເຄື່ອງ ບິນ ແລະ ທັງເປັນພື້ນຖານ ໃຫ້ແກ່ Moskva ພັດທະນາ S-400 ຂຶ້ນຕື່ມ.
ລູກສອນໄຟດັ່ງກ່າວ ສາມາດຍິງໄກໄດ້ 200 ກິໂລແມັດ ຊຶ່ງສາມາດກວມໄປ ເຖິງເຂດຊ່ອງແຄບ Hormuz ແລະ ອາ່ວເປີເຊຍ, ເຊິ່ງສາມາດຂົ່ມຂູ່ເຮືອບິນຂອງສະຫະລັດຢູ່ຕາເວັນອອກກາງໄດ້.
ຮຽບຮຽງໂດຍ: ລູກເມືອງພວນ
