ອາເມລິກາເຕືອນໄພກໍ່ການຮ້າຍຢູ່ເອີຣົບ
May 3, 2017 - 11:58 AM
ກະຊວງຕ່າງປະເທດອາເມລິກາອອກຄຳເຕືອນພົນລະເມືອງອາເມລິກາເທື່ອໃໝ່ ໃຫ້ລະວັງໄພຄຸກຄາມຈາກການໂຈມຕີຂອງຜູ້ກໍ່ການຮ້າຍທົ່ວພາກພື້ນເອີຣົບ ໂດຍອ້າງເຖິງເຫດກໍ່ການຮ້າຍຫລາຍເທື່ອ ທີ່ຫາກໍເກີດຂຶ້ນຢູ່ຫລາຍປະເທດເອີຣົບ ເມື່ອບໍ່ດົນມານີ້ ທັງອັງກິດ, ຝຣັ່ງ, ຊູແອດ ແລະ ຣັດເຊຍ ແລະ ເຕືອນວ່າ: ສະຖານທີ່ຕ່າງໆ ນັບແຕ່ຫ້າງສັບພະສິນຄ້າ, ໜ່ວຍງານຂອງລັດ, ໂຮງແຮມ, ຮ້ານບັນເທີງ, ພັດຕະຄານ, ສະຖານທີ່ສັກສິດ, ສວນສາທາລະນະ, ສະໜາມບິນ ແລະ ສະຖານທີ່ອື່ນໆ ສາມາດຕົກເປັນເປົ້າໝາຍການໂຈມຕີໄດ້ທັງໝົດ ແລະ ລະບຸອີກວ່າ: ກຸ່ມລັດອິສລາມ ຫລື IS ແລະ ກຸ່ມອານໄກດາ ຍັງມີປະສິດທິພາບໃນການວາງແຜນ ແລະ ກໍ່ເຫດກໍ່ການຮ້າຍຢູ່ເອີຣົບ.
