ຕໍາຫລວດເມືອງວຽງພູຄາມອບງົວ 3 ໂຕຄືນເຈົ້າຂອງເດີມ
August 2, 2018 - 5:59 PM
ເມື່ອທ້າຍເດືອນກໍລະກົດຜ່ານມານີ້, ເຈົ້າໜ້າທີ່ ປກສ ເມືອງວຽງພູຄາແຂວງຫລວງນໍ້າທາ ໄດ້ມອບງົວຈໍານວນ 3 ໂຕຄືນໃຫ້ເຈົ້າຂອງເດີມຢູ່ບ້ານຂົວສູງເມືອງວຽງພູຄາ, ພາຍຫລັງຖືກຄົນຮ້າຍລັກໄປໃນວັນທີ 25 ກໍລະກົດ 2018 ແລະ ສາມາດຈັບຕົວຄົນຮ້າຍໄດ້ຄືທ້າວ ຄຳໄຊ ອາຍຸ 23 ປີຢູ່ບ້ານໄລລອດເມືອງວຽງພູຄາ, ໃນຂະນະກຳລັງນໍາງົວໄປຂາຍໃຫ້ແມ່ຄ້າຢູ່ໃນຕະຫລາດເທສະບານເມືອງ, ພ້ອມທັງໄດ້ຢຶດລົດກະບະຮຸນໄດທີ່ນໍາໃຊ້ເຂົ້າໃນການກໍ່ເຫດຄັ້ງນີ້ໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.
