ອານຸສອນ ແລະ ສີລິນາ ມຸ້ງຫນ້າຫວຽດນາມ ຮ່ວມຊິງໄຊ ແລ່ນ-ລານ ຫວຽດນາມໂອເພັນ

ນີ້ເປັນຄັ້ງທຳອິດທີ່ທ້າວ ອານຸສອນ ໄຊສາ ແລະ ນາງ ສີລິນາ ພະອາໄພ ເດີນທາງເຂົ້າຮ່ວມລາຍການ​ແລ່ນ-ລານ ຫວຽດນາມ ​ໂອ​ເພັນ ​ເຊິ່ງຈະ​ຈັດ​ຂຶ້ນ​ໃນ​ວັນ​ທີ 26-27 ກໍລະກົດ​ນີ້ ທີ່ນະຄອນ​ໂຮ່ຈີ​ມິ​ງ ສສ  ຫວຽດນາມ ນໍາຄະນະໂດຍ ອາຈານ ສິດທິໄຊ ສັກປະເສີດ ເລຂາທິການສະຫະພັນກິລາແລ່ນ-ລານແຫ່ງຊາດລາວ.

ສຳລັບ ທ້າວ ອານຸສອນ ໄຊສາ ຈະລົງແຂ່ງ 2 ລາຍການຄື: ແລ່ນ 100 ແມັດ ແລະ ແລ່ນຂ້າມຮົ້ວ 110 ແມັດ, ສ່ວນ ນາງ ສີລິນາ ພະອາໄພ ແລ່ນ 100 ແມັດ ແລະ 200 ແມັດ.