ທ່ານ ໂດນັນ ທຣຳ ຕອບຮັບຄຳເຊີນ ພົບກັບ ຜູ້ນຳ ສປປ ເກົາຫລີ

ປະທານາທິບໍດີ ​ໂດ​ນັນ ທຣຳ ຕອບ​ຮັບ​ຄຳ​ເຊີນ​ຂອງ​ທ່ານ ກິມ ຈອງ​ອິນ ​ໃນ​ການ​ພົບ​ປະ​ຫາລື​ຄັ້ງປະຫວັດສາດ ລະຫວ່າງ​ຜູ້ນຳ ອາ​ເມ​ລິ​ກາ ກັບ​ຜູ້ນຳ​ສູງ​ສຸດ​ຂອງ ສປປ ​ເກົາຫລີ ທີ່​ຈະ​ມີ​ຂຶ້ນພາຍ​ໃນ​ເດືອນ​ພຶດສະພາ​ນີ້.

WATCH: North Korea's Kim Jong Un "expressed his eagerness to meet President Trump as soon as possible,” South Korea's national security adviser says. https://t.co/j22SqkRhBS pic.twitter.com/KBJrcOM33Y

— NBC News (@NBCNews) March 9, 2018

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດສະຫະລັດ​ອາ​ເມ​ລິ​ກາ ​ໃນ​ວັນ​ທີ 8 ມີນາ​ວ່າ: ທ່ານ ຊອນ ອາ​ວີ​ຍອງ ທີ່​ປຶກສາ​ດ້ານ​ຄວາມ​ໝັ້ນຄົງ​ປະຈຳ​ທຳນຽບປະທານາທິບໍດີ ສ.​ເກົາຫລີ ຖະ​ແຫລ​ງ​ໃນ​ວັນ​ທີ 8 ມີນາ ຫລັງ​ພົບ​ປະ​ຫາລື​ກັບ ພົນ​ໂທ ​ເຮີ​ເບິດ ​ແມ​ກມາສ​ເຕີ ທີ່​ປຶກສາ​ດ້ານ​ຄວາມ​ໝັ້ນຄົງ​ປະຈຳ​ທຳນຽບຂາວ​ ວ່າ​ຈະ​ມີ​ການ​ພົບ​ປະ​ຫາລື​ຄັ້ງປະຫວັດສາດ ລະຫວ່າງ​ປະທານາທິບໍດີ ​ໂດ​ນັນ ທຣຳ ກັບ​ທ່ານ ກິມ ຈອງ​ອິນ ​ເຖິງ​ວ່າ​ຍັງ​ບໍ່​ມີ​ການ​ກຳນົດ​ໄລຍະ​ເວລາ ​ແລະ ສະຖານ​ທີ່​ຢ່າງ​ເປັນ​ທາງ​ການ, ​ແຕ່​ທຸກ​ຝ່າຍ​ທີ່​ກ່ຽວຂ້ອງ​ເຫັນ​ພ້ອມ​ກັນ​ໃນ​ເບື້ອງຕົ້ນວ່າ ພາຍ​ໃນ​ເດືອນ​ພຶດສະພາ​ນີ້.

ທັງ​ນີ້ ການ​ພົບ​ປະ​ຫາລື​ດັ່ງກ່າວ​ຈະ​ຖື​ເປັນຄັ້ງທຳ​ອິດ​ຢ່າງ​ເປັນ​ທາງ​ການ ລະຫວ່າງ​ຜູ້​ດຳລົງ​ຕຳ​ແໜ່​ງປະທານາທິບໍດີ​ອາ​ເມ​ລິ​ກາ​ກັບ​ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ແລະ ຈະ​ເກີດ​ຂຶ້ນປະມານ 1 ​ເດືອນ​ພາຍຫລັງ​ການ​ພົບ​ປະ​ຫາລື​ຄັ້ງສຳຄັນ​ລະຫວ່າງ​ປະທານາທິບໍດີ ມຸນ ​ແຈ​ອິນ ຜູ້ນຳ ສ.​ເກົາຫລີ ກັບ​ທ່ານ ກິມ ຈອງ​ອິນ ຢູ່​ມຸນ​ຈອມ ​ເຂດ​ປອດ​ທະຫານ ​ເຊິ່ງ​​ແນ່ນອນ​ແລ້ວ​ວ່າ​ຈະ​ເກີດ​ຂຶ້ນ​ໃນ​ທ້າຍ​ເດືອນ​ເມສາ​ນີ້.