ອິນເດຍ-ອາຊຽນ ເລັ່ງເພີ່ມທະວີ ການຮ່ວມມືທາງທະເລ-ການຄ້າ

ກອງ​ປະຊຸມ​ສຸດ​ຍອດ​ຜູ້ນຳ​ ອິນ​ເດຍ-ອາ​ຊຽນ ວາລະ​ພິ​ເສດ​ໃນ​ໂອກາດ​ຄົບຮອບ​ການ​ພົວພັນ 25 ປີ ​ເຫັນ​ພ້ອມ​ສົ່ງ​ເສີມ​ການ​ຮ່ວມ​ມື​ດ້ານ​ຄວາມ​ໝັ້ນຄົງ​ທາງ​ທະ​ເລ ​ແລະ ນະ​ໂຍບາຍ​ທາງ​ການ​ຄ້າ.

PM Narendra Modi interacted with ASEAN Leadaers and ASEAN Secretary General during a retreat meeting. Leaders shared views on issues of common interests. #ASEANIndia pic.twitter.com/9MILjkxe2f

— ANI (@ANI) January 25, 2018

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ນິວ​ເດນ​ລີ ປະ​ເທດ​ອິນ​ເດຍ ​ໃນ​ວັນ​ທີ 26 ມັງກອນ​ວ່າ: ກະຊວງ​ການ​ຕ່າງປະ​ເທດ​ອິນ​ເດ​ຍອອກ​ຖະ​ແຫລ​ງການ​ໃນ​ວັນ​ທີ 25 ມັງກອນ ກ່ຽວ​ກັບ​ຜົນ​ການ​ຫາລື​ຂອງ​ກອງ​ປະຊຸມ​ສຸດ​ຍອດ​ຜູ້ນຳ ອາ​ຊຽນ-ອິນ​ເດຍ ສະ​ໄໝ​ພິ​ເສດ ​ເນື່ອງ​ໃນ​ວາລະ​ຄົບຮອບ 25 ປີ ການ​ສະຖາປະນາ​ການ​ພົວພັນ​ທາງ​ການ​ທູດ​ລະຫວ່າງ ອາ​ຊຽນ ກັບ ອິນ​ເດຍ ວ່າ: ນາຍົກລັດຖະມົນຕີ ນາ​ເຣນທຣາ ​ໂມ​ດີ ​ແລະ ຜູ້ນຳ​ຂອງ 10 ປະ​ເທດ​ສະມາຊິກ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ ​ເຫັນ​ພ້ອມ​ໃນ​ຫລັກການ​ວ່າ​ດ້ວຍ​ການ​ຂະຫຍາຍ​ຂອບ​ການ​ຮ່ວມ​ມືດ້ານ​ຄວາມ​ໝັ້ນຄົງ​ທາງ​ທະ​ເລ ​ເພື່ອ​ແກ້​ໄຂ​ຄວາມ​ທ້າ​ທາຍ.

ຂະນະ​ດຽວ​ກັນ, ທ່ານ ​ໂມ​ດີ ຍັງ​ສະ​ເໜີ​ແນວ​ຄິດ​ການ​ສ້າງຕັ້ງ ກອງທັບ​ເຮືອ​ຍິງ​ ອິນ​ເດຍ-ອາ​ຊຽນ ​ເພື່ອ​ປະຕິບັດ​ພາລະກິດ​ຂີ່​ເຮືອ​ອ້ອມ​ໂລກ​ຮ່ວມ​ກັນ ​ເຊັ່ນ​ກອງທັບ​ເຮືອ​ຍິງ​ອິນ​ເດຍ​ເລີ່​ມປະຕິບັດ​ການ​​ໃນ​ເດືອນ​ກັນຍາ​ປີຜ່ານມາ. ນອກຈາກ​ນີ້ ນາຍົກລັດຖະມົນຕີອິນ​ເດຍ ຍັງ​ປະກາດ​ຍົກ​ລະດັບ​ການ​ຮ່ວມ​ມື​ທາງ​ການ​ຄ້າ ​ແລະ ການ​ລົງທຶນ​ລະຫວ່າງ​ອິນ​ເດຍກັບ​ອາ​ຊຽນຕາມ​ຂອບ​ນະ​ໂຍບາຍ​ປະຕິບັດ​ການ​ຕາ​ເວັນ​ອອກ. ປັດຈຸບັນ ມູນ​ຄ່າ​ການ​ຄ້າ​ລະຫວ່າງ​ອິນ​ເດຍກັບ​ອາ​ຊຽນໜ້ອຍ​ກວ່າ​ມູນ​ຄ່າ​ການ​ຄ້າ​ລະຫວ່າງ​ຈີນ​ກັບ​ອາຊຽນ​ເຖິງ 6 ​ເທົ່າ ​ເຊິ່ງຢູ່​ທີ່ 470 ລ້ານ​ໂດ​ລາ​ສະຫະລັດ ​ໃນ​ປີຜ່ານມາ.