IS ລະເບີດຂ້າຕົວຕາຍໂຈມຕີ ໜ່ວຍຂ່າວລັບອັບການິດສະຖານ

ມີ​ຜູ້​ເສຍ​ຊີວິດ​ຢ່າງ​ໜ້ອຍ 6 ຄົນ ຫລັງ​ມື​ລະ​ເບີດ​ຂ້າ​ຕົວ​ຕາຍຂອງ​ກຸ່ມ IS ຈູດ​ສະ​ນວນ​ໃກ້​ກັບ​ສຳນັກງານ​ໜ່ວຍ​ຂ່າວ​ລັບ​ແຫ່ງ​ຊາດ ​ໃນ​ນະຄອນຫລວງ​ກາ​ບູນ ​ຂອງ​ອັບ​ກາ​ນິດ​ສະຖານ.

#Kabul – At least four civilians and two NDS members were killed and three others including two civilians were wounded in a suicide attack at a check post of NDS in Kabul city, source confirmed to TOLOnews. Daesh has claimed responsibility for the attack. pic.twitter.com/Cukxzqt0YC

— TOLOnews (@TOLOnews) December 25, 2017

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກາ​ບູນ ປະ​ເທດ​ອັບ​ກາ​ນິດ​ສະຖານ ​ໃນ​ວັນ​ທີ 25 ທັນວາ​ວ່າ: ກະຊວງ​ປ້ອງ​ກັນ​ປະ​ເທດ​ຂອງ​ອັບ​ກາ​ນິດ​ສະຖານ​ລາຍ​ງານ​ການ​ເກີດ​ເຫດ​ລະ​ເບີດ ພາຍ​ໃນ​ອານາ​ເຂດ​ຂອງ​ສຳນັກງານ​ຂ່າວ​ລັບ​ແຫ່ງ​ຊາດ (NDS) ບໍລິ​ເວນ​ເຂດ​ໃຈກາງ​ນະຄອນຫລວງ​ກາ​ບູນ ​ໃນ​ເຊົ້າວັນ​ທີ 25 ທັນວາ​ນີ້ ຕາມ​ເວລາ​ທ້ອງ​ຖິ່ນ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 6 ຄົນ ​ແບ່ງ​ເປັນ​ປະຊາຊົນ 4 ຄົນ ​ເຊິ່ງ​ໂດຍສານ​ລົດ​ຂີ່​ຜ່ານ​ມາ​ໃນ​ໄລຍະ​ຄົນ​ຮ້າຍ​ຈູດ​ສະ​ນວນ​ລະ​ເບີດ​ພໍດີ, ສ່ວນ​ອີກ 2 ຄົນ​ເປັນ​ເຈົ້າໜ້າ​ທີ່​ຂອງ NDS ​ແລະ ຍັງ​ມີ​ຜູ້​ໄດ້​ຮັບ​ບາດ​ເຈັບ​ອີກ 3 ດ້ານ, ສ່ວນ​ລາຍ​ງານ​ຂອງ​ກະຊວງ​ສາທາລະນະ​ສຸກ​ລະບຸ​ຈຳນວນ​ຜູ້​ເສຍ​ຊີວິດ​ເທົ່າ​ກັນ, ​ແຕ່​ອ້າງ​ມີ​ຜູ້​ໄດ້​ຮັບ​ບາດ​ເຈັບ​ຈາກ​ເຫດການ​ຄັ້ງນີ້​ພຽງ​ຄົນ​ດຽວ.

ຫລັງ​ເກີດ​ເຫດ​ສຳນັກ​ຂ່າວ​ອາ​ມັກ​ຂອງ​ກຸ່ມ IS ອອກ​ຖະ​ແຫລ​ງການ​ອ້າງ​ເປັນ​ຜູ້​ຢູ່​ເບື້ອງຫລັງ​​ເຫດການ​ຄັ້ງນີ້ ທີ່​ເກີດ​ຂຶ້ນພຽງ 1 ອາທິດ ຫລັງ​ເຫດ​ໂຈມ​ຕີ​ບໍລິ​ເວນ​ສູນ​ຝຶກ​ຂອງ NDS ​ໃນ​ວັນ​ທີ 18 ທັນວາ ​ແລະ ​ເຫດການ​ຢຸດຕິ​ດ້ວຍ​ການ​ທີ່​ເຈົ້າໜ້າ​ທີ່​ຝ່າຍ​ຄວາມ​ໝັ້ນຄົງ​ສັງຫານ​ຜູ້​ບຸກລຸກ​ເສຍ​ຊີວິດ 3 ຄົນ ​ໂດຍ​ຢືນຢັນ​ບໍ່​ມີ​ພົນລະ​ເຮືອນ​ເສຍ​ຊີວິດ ຫລື ​ໄດ້​ຮັບ​ບາດ​ເຈັບ, ສ່ວນ​ກຸ່ມ IS ອ້າງ​ເປັນ​ຜູ້​ກໍ່​ເຫດ.