ແຂວງວຽງຈັນ ອະໄພຍະໂທດຫລຸດຜ່ອນໂທດ ແລະ ປ່ອຍຕົວນັກໂທດ 163 ຄົນ
December 20, 2024 - 2:30 PM
ວັນທີ 20 ທັນວາ 2024 ນີ້ ແຂວງວຽງຈັນ ໄດ້ຈັດພິທີອະໄພຍະໂທດຫລຸດຜ່ອນໂທດ ແລະ ປ່ອຍ ຕົວນັກໂທດ ປະຈໍາປີ 2024 ຈໍານວນ 163 ຄົນ ໂດຍການເຂົ້າຮ່ວມຂອງທ່ານ ດາວເຮືອງ ນັນທະວົງ ຮອງເຈົ້າແຂວງ, ທັງເປັນປະທານຄະນະກໍາມະການອະໄພຍະໂທດແຂວງວຽງຈັນ.
ທ່ານ ບຸນຄໍ້າ ທໍາມະວົງ ຫົວໜ້າອົງການໄອຍະການປະຊາ ຊົນ ແຂວງວຽງຈັນລາຍງານວ່າ: ເນື່ອງໃນໂອກາດ ວັນຊາດ ທີ 2 ທັນວາ ຄົບຮອບ 49 ປີ ປະທານປະເທດແຫ່ງ ສປປ ລາວ ອອກລັດຖະດໍາລັດ ວ່າດ້ວຍການໃຫ້ອະໄພຍະໂທດ ໃຫ້ແກ່ນັກໂທດທົ່ວປະເທດ ສະເພາະ ແຂວງວຽງຈັນໄດ້ອະໄພຍະໂທດຫລຸດຜ່ອນໂທດ ມີ 121 ຄົນ, ຍິງ 6 ຄົນ, ນັກໂທດທີ່ໄດ້ຮັບສະເໜີໃຫ້ອະໄພຍະໂທດປ່ອຍຕົວ 42 ຄົນ, ຍິງ 1 ຄົນ.
ທີ່ມາ: ໂທລະພາບແຂວງວຽງຈັນ
