5 ສະໂມສອນ ທີ່ ເດ ເກອາ ລຸ້ນຮ່ວມທີມຫລັງອຳລາແມນຢູ
July 10, 2023 - 2:00 PM
ງານລ້ຽງຍ່ອມມີວັນເລີກລາ! ສຸດທ້າຍ ດາວິດ ເດ ເກອາ ປະກາດປິກສາກ 12 ປີ ກັບ ແມນເຊັສເຕີ ຢູໄນເຕັດ ຢ່າງເປັນທາງການ. ຫລັງຈາກໝົດສັນຍາກັບຕົ້ນສັງກັດໃນເດືອນມິຖຸນາຜ່ານມາ ແລະ ຕອນນີ້ລາວກະກຽມທີ່ຈະເດີນທາງອີກເທື່ອຫນຶ່ງ.
ຜູ້ຮັກສາປະຕູຊາວສະເປນຍ້າຍມາຈາກ ແອັດເລຕິໂກ ມາດຣິດ ເມື່ອປີ 2011. ຈາກມື້ນັ້ນເຖິງມື້ນີ້, ລາວຮັບໃຊ້ໜ້າທີ່ໃຫ້ກັບ “ຜີສາດແດງ” ໄປແລ້ວ 545 ນັດ, ຮ່ວມຄວ້າແຊັມໄດ້ຫລາຍ ລວມເຖິງການຄວ້າແຊ້ມ ພຣີເມຍລີກ ອັງກິດ ໃນປີ 2013 ເຊິ່ງເປັນແຊ້ມ ພຣີເມຍລີກ ອັງກິດ ສະໄໝທີ 20 ແລະ ເປັນສະໄໝສຸດທ້າຍຂອງທີມໃນຍຸກທີ່ ເຊີ ອາເລັກ ເຟີກູສັນ ເປັນຄູຝຶກ.
ຂະນະດຽວກັນ, ເດ ເກອາ ໄດ້ຄວ້າລາງວັນນັກຮັບທີ່ດີທີ່ສຸດຂອງ ພຣີເມຍລີກ ຫລື “ຖົງມືທອງຄຳ” ລະດູການ 2017-2018 ແລະ ລະດູການຫລ້າສຸດ ໂດຍລາວເປັນຫນຶ່ງໃນ 6 ຜູ້ຮັກສາປະຕູທີ່ໄດ້ຮັບລາງວັນນີ້ຫລາຍກວ່າຫນຶ່ງຄັ້ງ.
