ຕາມຮອຍເບນເຊມ່າ! ລູກ້າ ໂມດຣິດ ພິຈາລະນາຂໍ້ສະເໜີທີມຈາກຊາອຸ
June 12, 2023 - 9:06 AM
COPE ສື່ກິລາສາກົນທີ່ມີຊື່ສຽງ ລູກ້າ ໂມດຣິດ ກອງກາງທີມຊາດໂຄຣເອເຊຍ ພ້ອມເປີດຮັບຟັງຂໍ້ສະເໜີຈາກທີມໃນລີກໃນ ຊາອຸດິ ອາຣາເບຍ.
ດາວເຕະໄວ 37 ປີ ຈະຫມົດສັນຍາກັບ ເຣອັລ ມາດຣິດ ຫລັງສິ້ນສຸດເດືອນມິຖຸນານີ້ ແລະ ໄດ້ເຈລະຈາກັບສະໂມສອນກ່ຽວກັບສັນຍາສະບັບໃຫມ່ມາຕະຫລອດ. ໂດຍກ່ອນໜ້ານີ້ມີຂ່າວວ່າລາວຕອບຕົກລົງຕໍ່ສັນຍາຕໍ່ໄປອີກປີໜຶ່ງ.
ຢ່າງໃດກໍ່ຕາມ, ມີລາຍງານວ່າ ໂມດຣິດ ຂໍເລື່ອນການຕັດສິນໃຈອອກໄປກ່ອນ. ເນື່ອງຈາກວ່າມີການສະເຫນີກ້ອນໃຫຍ່ມາຈາກທີມໃນ ຊາອຸດິ ອາຣາເບຍ Pro League, ເຊິ່ງລາວພ້ອມພິຈາລະນາ ແລະ ຈະໃຫ້ຄໍາຕອບໃນອີກສອງສາມມື້ຂ້າງຫນ້າ.
ໂມດຣິດ ຍັງເປັນກຳລັງຫລັກຂອງ ເຣອັລ ມາດຣິດ ໃນລະດູການທີ່ຜ່ານມາ. ໂດຍລົງຫລິ້ນໄປ 52 ນັດໃນທຸກລາຍການ, ຍິງໄດ້ 6 ປະຕູ ແລະ 6 ແອສຊິສ.
