ບຣູໂນ່ ເຟີນັລເດສ ວິຈານບານໂລກ 2022 ວ່າ ຈັດໃນຊ່ວງທີ່ບໍ່ເໝາະສົມ ເຮັດໃຫ້ນັກເຕະ ແລະ ແຟນບານ ບໍ່ສະດວກຫລາຍຢ່າງ
ບຣູໂນ່ ເຟີນັລເດສ ຖືເປັນອີກຄົນໜຶ່ງທີ່ໂດດເດັ່ນໃນນັດທີ່ ແມນເຊັສເຕີ ຢູໄນເຕັດ ຊະນະ ຟູແລັມ 2-1, ໂດຍເຂົາເປັນຜູ້ສົ່ງໃຫ້ ຄຣິສເຕຍ ເອຣິກເຊນ ຍິງຂຶ້ນນຳ 1-0 ໃນຕົ້ນເຄິ່ງເວລາທຳອິດ, ແນວໃດກໍຕາມ ໃນລະຫວ່າງການໃຫ້ສໍາພາດຫລັງການແຂ່ງຂັນກັບ ສະກາຍ ສະປອດ, ກອງກາງຊາວປອກຕຸຍການ ໄດ້ຖືກຖາມກ່ຽວກັບທັດສະນະຂອງລາວກ່ຽວກັບການແຂ່ງຂັນບານໂລກທີ່ຈະມາເຖິງໃນອາທິດຫນ້າ. ເຊິ່ງລາວຕອບວ່າບໍ່ມັກບານໂລກໃນສະບັບຕາເວັນອອກກາງຂອງກາຕ້າຫລາຍປານໃດ.
“ພວກເຮົາໄດ້ເຫັນສະພາບແວດລ້ອມຂອງການແຂ່ງຂັນບານໂລກໃນກາຕ້າ ໃນຊ່ວງສອງສາມອາທິດ ແລະ ຫລາຍເດືອນທີ່ຜ່ານມາ ກ່ຽວກັບປະຊາຊົນຜູ້ທີ່ສູນເສຍຊີວິດໃນການກໍ່ສ້າງສະໜາມແຂ່ງຂັນ ຂ້ອຍບໍ່ພໍໃຈກັບເລື່ອງນີ້ເລີຍ. ພວກເຮົາຢາກໃຫ້ກິລາບານເຕະເປັນຂອງທຸກຄົນ ແລະ ມີສ່ວນຮ່ວໃນການແຂ່ງຂັນບານໂລກ. ມັນບໍ່ສໍາຄັນວ່າໃຜ ສິ່ງທີ່ເກີດຂຶ້ນໃນກາຕ້າຂ້າພະເຈົ້າຄິດວ່າບໍ່ຄວນຈະເກີດຂຶ້ນຕະຫລອດເວລາ”
ຫລັງຈາກນັກເຕະ ອາຍຸ 28 ປີ ເປີດເຜີຍວ່າການຍ້າຍບານໂລກມາເຕະໃນຕອນທ້າຍຂອງປີເຮັດໃຫ້ນັກເຕະຕ້ອງເຕະແບບລະແວງໃນການບາດເຈັບ ແລະ ມີສ່ວນເຮັດໃຫ້ແຟນບານບໍ່ສະດວກໃນການຕິດຕາມໄປເຊຍ.
