ອິນເດຍ ສົ່ງດາວທຽມ 36 ດວງ ຂຶ້ນສູ່ວົງໂຄຈອນ ປະສົບຜົນສຳເລັດ
ສຳນັກຂ່າວ ຊິນຮວາ ລາຍງານ ໃນວັນທີ 23 ຕຸລາ 2022 ທີ່ຜ່ານມາວ່າ: ອົງກອນວິໄຈ ອາວະກາດ ອິນເດຍ (ISRO ) ປະສົບຄວາມສຳເລັດ ໃນການປ່ອຍດາວທຽມ 36 ດວງ ໂດຍໃຊ້ ຈະຫລວດ ແອລວີເອັມ3 (LVM3) ທີ່ມີນໍ້າໜັກ ຫລື ກຳລັງສົ່ງ ຫລາຍທີ່ສຸດຂອງປະເທດ.
ດາວທຽມ ດັ່ງກ່າວ ໄດ້ຖືກປ່ອຍ ອອກຈາກ ສູນອາວະກາດສາທິດ ທາວັນ (SDSC) ໃນເມືອງ ສີລີໂກຖາ ໃນບໍລິເວນ ທາງພາກໃຕ້ຂອງອິນເດຍ ເຊິ່ງພາລະກິດ ແອລວີເອັມ 3 ເອັມ 2 (LVM3 M2 ) ວັນເວັບ ອິນເດຍ-1 (OneWeb India-1) ໄດ້ປະສົບຜົນສຳເລັດ ຢ່າງຈົບງາມ, ໂດຍດາວທຽມທັງ 36 ດວງນີ້ ໄດ້ຖືກສົ່ງຂຶ້ນ ສູ່ວົງໂຄຈອນ ຕາມເປົ້າໝາຍ ທີ່ກຳນົດໄວ້, ພາລະກິດ ແອລວີເອັມ 3 ເອັມ 2 ເປັນພາລະກິດ ເຊິ່ງການຄ້າ ສຳລັບລູກຄ້າ ຕ່າງປະເທດ ເຊັ່ນວັນເວັບ (OneWeb), ຜູ້ໃຫ້ບໍລິການ ອິນເຕີເນັດ ຜ່ານດາວທຽມບຣອດແບນ ໂດຍຜ່ານການດຳເນີນງານ ຂອງ ບໍລິສັດ ນີວສະເປັຊ ອິນເດຍ ຈຳກັດ (NSIL) ທີ່ລັດຖະບານອິນເດຍ ເປັນເຈົ້າຂອງອົງການ ໄດ້ກ່າວວ່າ ພາລະກິດໃນຄັ້ງນີ້ ເປັນພາລະກິດ ການສົ່ງດາວທຽມ ຈຳນວນ 36 ດວງ ຂອງ ວັນເວັບ ຂຶ້ນສູ່ວົງໂຄຈອນຕໍ່າ (LEO) ເປັນຄັ້ງທຳອິດ ເຊິ່ງດາວທຽມ ດັ່ງກ່າວນີ້ ທີ່ຈະຫລວດ ແອລວີເອັມ 3 ນໍາຂຶ້ນໄປ ມີນໍ້າໜັກ 5.796 ກິໂລກຣາມ ເຊິ່ງເປັນຕົວເລກຫລາຍທີ່ສຸດນັບຕັ້ງແຕ່ເຄີຍມີມາ.
