ປກສ ເມືອງຫາດຊາຍຟອງ ຈັບຜູ້ຄ້າຂາຍຢາໄອ້, ເຮໂຣອິນ 12 ເປົາ ນ້ຳໜັກ 496 ກິໂລກຼາມ
December 6, 2021 - 5:18 PM
ໃນວັນທີ 6 ທັນວາ 2021 ກອງບັນຊາການ ປກສ ເມືອງຫາດຊາຍຟອງ ຈັບຜູ້ຄ້າຂາຍຢາເສບຕິດ ຢູ່ບ້ານຖິ່ນແທ່ນ ເມືອງຫາດຊາຍຟອງ ນະຄອນຫຼວງວຽງຈັນ ພາຍຫຼັງໄດ້ຮັບການລາຍງານຈາກ ຈຶ່ງເຂົ້າກັກຕົວຜູ້ຖືກຫາຊື່ ທ້າວ ກ໋ອບ ອາຍຸ 20 ປີ ປະຊາຊົນບ້ານຖິ່ນແທ່ນ ເມືອງຫາດຊາຍຟອງ ນວ; ພ້ອມຢາເສບຕິດ ຈຳນວນ 12 ເປົາ ໃນນີ້ມີຢາເສບຕິດປະເພດເຮໂຣອິນ 2 ເປົາ ມີ 200 ແທ່ງ ນ້ຳໜັກ 76 ກິໂລກຼາມ ແລະ ຢາເສບຕິດປະເພດຢາໄອ້ ຈຳນວນ 10 ເປົາ ມີ 400 ກ້ອນນ້ຳໜັກ 420 ກິໂລກຼາມ ພ້ອມລົດກະບະຍິ່ຫໍ້ວີໂກ້ແຊ້ມ ສີຂາວ ປ້າຍທະບຽນ ກກ 0655 ກໍາແພງນະຄອນ.
ປັດຈຸບັນເຈົ້າໜ້າທີ່ພວມດຳເນີນການສືບສວນ-ສອບສວນຂະຫຍາຍຜົນສືບຄົ້ນຫາຜູ້ຮ່ວມຂະບວນການມາດຳເນີນຕາມຂັ້ນຕອນຂອງກົດໝາຍ.
