ເບຍລາວ ມອບທຶນແກ່ນັກສຶກສາຂັ້ນມະວິທະຍາໄລ ແລະ ວິທະຍາໄລ ທີ່ມີຜົນການຮຽນດີ-ຮຽນເກັ່ງ ແຕ່ຂາດເຂີນ ທຶນຮອນ 330 ຄົນຕໍ່ປີ
ບໍລິສັດເບຍລາວຈຳກັດ ເປັນບໍລິສັດທີ່ໃຫ້ຄວາມສຳຄັນໃນການ ຊູກຍູ້ຊ່ວຍເຫລືອສັງຄົມ ໂດຍສະເພາະແມ່ນການມີສ່ວນຮ່ວມໃນວຽກງານສົ່ງເສີມການຮັກສາຮີດຄອງປະເພນີອັນດີງາມຂອງຊາດ, ຊຸກຍູ້ອຸປະຖໍາສະຖາບັນການສຶກສາ, ຮັກສາສິ່ງແວດລ້ອມ, ວຽກງານກິລາ, ສາທາລະນະສຸກ, ໂດຍສະເພາະແມ່ນວຽກງານສົ່ງເສີມການສຶກສາ ໃຫ້ຄົນລາວເປັນຄົນທີ່ມີຄວາມຮູ້ຄວາມສາມາດ ຄຽງຄູ່ກັບການພັດທະນາປະເທດຊາດໃຫ້ນັບມື້ເຕີບໃຫຍ່ທຽບເທົ່າກັບສາກົນ.
ເພື່ອປະກອບສ່ວນໃນການສ້າງບຸກຄະລາກອນໃຫ້ມີຄວາມຮູ້ ຄວາມສາມາດ ທັງປະລິມານ ແລະຄຸນະພາບ ເພື່ອກຽມຮັບໃຊ້ສັງຄົມ ເປັນຂໍກຸນແຈໃນການສ້າງສາເສດຖະກິດໂດຍລວມ ມີສ່ວນຮ່ວມໃນການສະໜັບສະໜູນແຜນພັດທະນາບຸກຄະລາກອນຂອງ ຊາດ ທີ່ສອດຄ່ອງກັບແນວທາງ ຂອງ ພັກ ແລະ ລັດຖະບານ.
ໃຫ້ໂອກາດ ແກ່ນັກສຶກສາລະດັບມະຫາວິທະຍາໄລ ແລະ ວິທະຍາໄລຄູ ທີ່ຮຽນເກັ່ງ, ຮຽນດີ ແຕ່ມີຄວາມຂາດເຂີນ ທາງດ້ານ ທຶນຮອນ.
ໃນແຕ່ແລະປີ ມີນັກສຶກສາຈາກ 07 ສະຖາບັນ ລວມທັງໝົດ ຈຳນວນ 330 ຄົນ ໄດ້ຮັບທຶນຈາກ ບໍລິສັດ ເບຍລາວ ຈຳກັດຄື: ມະຫາວິທະຍາໄລແຫ່ງຊາດ 120 ຄົນ, ມະຫາວິທະຍາໄລສຸພານຸວົງ 55 ຄົນ, ມະຫາວິທະຍາໄລຈຳປາສັກ 40 ຄົນ, ມະຫາວິທະຍາໄລສະຫວັນນະເຂດ 45 ຄົນ, ສະຖາບັນວິຈິດສິນແຫ່ງຊາດ 30 ຄົນ, ວິທະຍາໄລຄູສະຫວັນນະເຂດ 20ຄົນ ແລະ ວິທະຍາໄລຄູປາກເຊ 20 ຄົນ.
ໂຄງການ ໃຫ້ທຶນການສຶກສາແກ່ນັກສຶກສາ ຮຽນດີ-ຮຽນເກັ່ງ ແຕ່ມີຄວາມຂາດເຂີນ ທາງດ້ານ ທຶນຮອນ ບໍລິສັດເບຍລາວ ໄດ້ ໃຫ້ການສະໜັບສະໜູນນັບແຕ່ສົກປີ 2010-2011 ເປັນຕົ້້ນມາ ແລະ ມາເຖິງສົກປີ 2020-2021 ເຊີ່ງເປັນປີ ທີ່ 11 ແລະ ມີຈຳນວນນັັກສຶກສາທີ່ໄດ້ຮັບທຶນທັງໝົດ 3.054 ຄົນ ລວມມູນຄ່າ 8,7 ຕື້ກີບ.
ບໍລິສັດເບຍລາວຢູ່ຄຽງຄູ່ກັບສັງຄົມລາວ, ໄດ້ຮັບຄວາມໄວ້ເນື້ອເຊື່ອໃຈຈາກສັງຄົມຕະຫລອດມາ ເຖິງແມ່ນວ່າທຶນທີ່ບໍລິສັດໄດ້ແບ່ງປັນໃຫ້ນ້ອງນັກສຶກສາອາດບໍ່ຫລາຍເທົ່າທີ່ຄວນ ແຕ່ເປັນຄວາມມຸ່ງຫມັ້ນແລະຕັ້ງໃຈຂອງຜູ້ບໍລິຫານ ແລະ ພະນັກງານ ກໍຄືບໍລິສັດເບຍລາວ ຕອບແທນສັງຄົມດ້ວຍຄວາມຮັບຜິດຊອບ.
