ສະຫລຸບບັນຫາໜ້າສົນໃຈທົ່ວໂລກ ວັນທີ 9 ຕຸລາ 2020
- ແພດຂອງທ່ານ ໂດນັລ ທຣຳ ກ່າວວ່າ: ທ່ານຄາດວ່າປະທານາທິບໍດີ ເຊິ່ງເຂົ້າຮັບການປິ່ນປົວຢູ່ໂຮງໝໍຈາກ COVID-19 ໃນວັນທີ 2 ຕຸລາຜ່ານມາ ຈະສາມາດກັບເຂົ້າຮັບການນັດໝາຍທາງສາທາະລະນະໄດ້ໃນວັນທີ 10 ຕຸລານີ້. ຂະນະທີ່ທ່ານ ທຣຳ ເອງກໍຫວັງວ່າຈະແກ້ໄຂການຊຸມນຸມໃນທ້າຍອາທິດນີ້.
ໃນວັນທີ 8 ຕຸລາ, ທ່ານປະຕິເສດຈະມີສ່ວນຮ່ວມໃນການໂຕ້ວາທີທາງວິດີໂອກັບ Joe Biden ສ່ວນຄະນະກຳມາທິການຈາກທັງ 2 ຝ່າຍທີ່ດຳເນີນການຈັດງານໄດ້ກ່າວວ່າ: ຈະປ່ຽນຮູບແບບຂອງການຜະເຊີນໜ້າກັນຄັ້ງທີ 2 (ທັງໝົດ 3 ຄັ້ງ) ເຊິ່ງກຳນົດໄວ້ໃນວັນທີ 15 ຕຸລາ “ເພື່ອປົກປ້ອງສຸຂະພາບ ແລະ ຄວາມປອດໄພຂອງທຸກຄົນທີ່ກ່ຽວຂ້ອງ”. ຂະນະທີ່ທ່ານ ທຣຳ ກ່າວວ່າເປັນເລື່ອງໄຮ້ສາລະ.
- FBI ໄດ້ຕັ້ງຂໍ້ຫາຕໍ່ 13 ຄົນກ່ຽວກັບການວາງແຜນຈະລັກພາຕົວ Gretchen Whitmer ເຈົ້າຄອງລັດ Michigan ເຊິ່ງເປັນສະມາຊິກຝ່າຍ Democrat ໃນໄລຍະກ່ອນການເລືອກຕັ້ງ ໂດຍ 7 ຄົນໃນນັ້ນເປັນທະຫານອາສາສະໝັກທີ່ເອີ້ນຕົນເອງວ່າ Wolverine Watchmen ໂດຍພວກເຂົາຖືກກ່າວຫາວ່າວາງແຜນຈະໂຄ່ນລົ້ມລັດຖະບານຂອງລັດທີ່ພວກເຂົາເຊື່ອວ່າ: “ລະເມີດລັດຖະທຳມະນູນຂອງອາເມລິກາ”. ຂະນະທີ່ Whitmer ນັ້ນ ຖືກໂຈມຕີໂດຍກຸ່ມຂວາຈັດ ຫລັງຈາກນາງໄດ້ກຳນົດຂໍ້ຈຳກັດທີ່ເຂັ້ມງວດຄັ້ງໃໝ່ ພາຍໃນເມືອງເພື່ອຕໍ່ສູ້ກັບພະຍາດລະບາດ.
- ຈີນໄດ້ຕັດສິນໃຈເຂົ້າຮ່ວມ COVAX ເຊິ່ງເປັນໂຄງການທີ່ດຳເນີນໂດຍອົງການອະນາໄມໂລກ (WHO) ແລະ ກຳລັງກຽມແຈກຢາຍວັກຊີນ COVID-19 ໃຫ້ທົ່ວໂລກ ໂດຍຈັດລຳດັບຄວາມສຳຄັນຂອງຜູ້ຮັບຜົນປະໂຫຍດຕາມ “ຄວາມຈຳເປັນ” ໂດຍມີຫລາຍກວ່າ 170 ປະເທດທີ່ລົງທະບຽນເຂົ້າຮ່ວມໂຄງການ, ແຕ່ອາເມລິກາ ເຊິ່ງເປັນປະເທດທີ່ມີຂະໜາດເສດຖະກິດໃຫຍ່ທີ່ສຸດຍັງປະຕິເສດ. ຂະນະທີ່ຝ່າຍບໍລິຫານຂອງທ່ານ ທຣຳ ກ່າວວ່າ: WHO ມີການສຸຈະລິດເກີນໄປ ແລະ ຖືກຄວບຄຸມໂດຍຈີນ.
- ເຢຍລະມັນລາຍງານຜູ້ຕິດເຊື້ອ COVID-19 ໃໝ່ຫລາຍກວ່າ 4.000 ຄົນໃນ 24 ຊົ່ວໂມງຜ່ານມາ ເຊິ່ງເປັນຕົວເລກສູງທີ່ສຸດນັບແຕ່ເດືອນເມສາ 2020. ຂະນະທີ່ໜ່ວຍງານດ້ານສາທາລະນະສຸກຫລັກໆຂອງປະເທດເຕືອນວ່າ: ອາດມີການພົບຜູ້ຕິດເຊື້ອໃໝ່ຫລາຍກວ່າ 10.000 ຄົນຕໍ່ມື້.
ແຕ່ໃນທາງກົງກັນຂ້າມ ສານປະເທດສະເປນໄດ້ຍົກເລີກການ Lockdown ບາງສ່ວນທີ່ລັດຖະບານກຳນົດໃນເມືອງ Madrid ແລະ ພື້ນທີ່ອ້ອມຮອບ ເຊິ່ງເປັນຈຸດສູນກາງໃນການແຜ່ລະບາດຮຸນແຮງທີ່ສຸດເປັນອັນດັບ 2 ຂອງເອີຣົບ (ຮອງຈາກປະເທດ Andorra). ຂະນະທີ່ລັດຖະບານປະກາດພາວະສຸກເສີນທົ່ວເມືອງພາຍຫລັງສານປະຕິເສດການ Lockdown.
- Sooronbay Jeenbekov ປະທານາທິບໍດີຂອງ Kyrgyzstan ໄດ້ສະເໜີການລາອອກຂອງທ່ານທັນທີທີ່ “ປະເທດເດີນໄປຢ່າງຖືກທິດທາງ”. ຂະນະທີ່ການເລືອກຕັ້ງລັດຖະສະພາ ເຊິ່ງມີການຂັດແຍ່ງກັນໃນວັນທີ 4 ຕຸລາຜ່ານມາ ໄດ້ນຳໄປສູ່ຄວາມບໍ່ສະຫງົບຢ່າງກວ້າງຂວາງ ເຊິ່ງຜູ້ປະທ້ວງພາກັນແຫ່ຂະບວນຕາມຖະໜົນ ແລະ ບຸກຍຶດສະຖານທີ່ຂອງລັດ ເຮັດໃຫ້ການເລືອກຕັ້ງເປັນໂມຂະໃນເວລາຕໍ່ມາ.
- ລາຄາຫຸ້ນຂອງ IBM ເພີ່ມສູງຂຶ້ນຫລັງຈາກເປີດເຜີຍວ່າຈະແຍກທຸລະກິດບໍລິການໂຄງລ່າງພື້ນຖານອອກຈາກທຸລະກິດອື່ນໆ ເພື່ອມຸ່ງເນັ້ນໃສ່ການພັດທະນາລະບົບ Cloud Computing (ເປັນລະບົບໃຊ້ຄອມພິວເຕີໃນການປະມວນຜົນຂໍ້ມູນຕ່າງໆ).
ການເຄື່ອນໄຫວດັ່ງກ່າວເກີດຂຶ້ນ 1 ປີຫລັງຈາກການເຂົ້າຊື້ Red Hat ເຊິ່ງເປັນທຸລະກິດ open-source software ໃນລາຄາ 34.000 ລ້ານໂດລາ ໂດຍຜູ້ບໍລິຫານຂອງ IBM ຫວັງຈະຄວ້າສ່ວນແບ່ງໃນຕະຫລາດ Hyubrid ເຊິ່ງເປັນການປະສົມປະສານລະຫວ່າງແອັບພິເຄຊັນໃນທ້ອງຖິ່ນ ແລະ ລະບົບຄລາວ ເຊິ່ງສ້າງມູນຄ່າໄດ້ປະມານ 1 ຕື້ໂດລາຕໍ່ປີ.
- Morgan Stanley ປະກາດວ່າຈະເຂົ້າຊື້ Eaton Vance ເຊິ່ງເປັນບໍລິສັດດ້ານການລົງທຶນໃນຂໍ້ຕົກລົງມູນຄ່າ 7 ພັນລ້ານໂດລາ.
ການເຄື່ອນໄຫວຄັ້ງນີ້ຈະເຮັດໃຫ້ທະນາຄານກາຍເປັນ 1 ໃນຜູ້ຈັດການສິນຊັບໃຫຍ່ທີ່ສຸດໃນໂລກ ແລະ ເຮັດໃຫ້ພວກເຂົາຢູ່ໃນຕຳແໜ່ງທີ່ດີຂຶ້ນສຳລັບການແຂ່ງຂັນກັບການເພີ່ມຂຶ້ນຂອງ BlackRock ແລະ Vanguard ເຊິ່ງເປັນກອງທຶນລະດັບຍັກໃຫຍ່ 2 ແຫ່ງ ລວມທັງໜ່ວຍງານດ້ານການບໍລິຫານສິນຊັບອື່ນໆຂອງທະນາຄານຄູ່ແຂ່ງ.
