ອັດຕະປື ປະກາດແຕ່ງຕັ້ງຫົວໜ້າຄັງເງິນແຫ່ງຊາດ ແລະ ຮອງຫົວໜ້າສ່ວຍສາອາກອນປະຈໍາແຂວງ
July 14, 2020 - 3:58 PM
ໃນວັນທີ 13 ກໍລະກົດນີ້ ແຂວງອັດຕະປື ໄດ້ຈັດພິທີປະກາດແຕ່ງຕັ້ງຫົວໜ້າຄັງເງິນແຫ່ງຊາດ ແລະ ຮອງຫົວໜ້າສ່ວຍສາອາກອນປະຈໍາແຂວງຂອງຕົນ ຄືໄດ້ແຕ່ງຕັ້ງທ່ານ ສຸກໃໜ ສຸດບຸນລົ້ນ ຮອງຫົວໜ້າສ່ວຍສາອາກອນປະຈຳແຂວງ ຂຶ້ນເປັນຫົວໜ້າຄັງເງິນແຫ່ງຊາດ ປະຈຳແຂວງອັດຕະປື ແລະ ແຕ່ງຕັ້ງທ່ານ ຄອນສະຫວັນ ໄຊຍະສອນ ຫົວໜ້າຂະແໜງກວດກາຫລັງການແຈ້ງລາຍຮັບ ເປັນຮອງຫົວໜ້າສ່ວຍສາອາກອນປະຈຳແຂວງຜູ້ໃໝ່ ຕາມການຕົກລົງຂອງທ່ານຮອງລັດຖະມົນຕີກະຊວງການເງິນ ພ້ອມບົ່ງຕົວແຕ່ງຕັ້ງທ່ານ ສຸກໃໝ ສຸດບຸນລົ້ນ ເປັນເລຂາໜ່ວຍພັກຄັງເງິນແຫ່ງຊາດປະຈຳແຂວງ ແລະ ທ່ານ ສຸລິພອນ ຟອງສະໜຸດ ເປັນຮອງເລຂາ ທັງເປັນປະທານກວດກາໜ່ວຍພັກສ່ວຍສາອາກອນປະຈຳແຂວງອັດຕະປື.
