ລາຄາສະບຽງອາຫານໂລກ ຫລຸດລົງ 3,4%
ແຫລງຂ່າວ ຫວຽດນາມລາຍງານວ່າ: ວັນທີ 7 ເດືອນພຶດສະພານີ້, ອົງການ ສະບຽງອາຫານ ແລະ ກະສິກຳ (FAO) ໃຫ້ຮູ້ວ່າ: ລາຄາສະບຽງອາຫານໂລກ ໄດ້ຫລຸດລົງເປັນເດືອນທີ 3 ຢ່າງຕໍ່ເນື່ອງ ໃນເດືອນເມສາຜ່ານມາ, ຍ້ອນຜົນກະທົບຈາກ ພະຍາດໂຄວິດ-19 ສົ່ງຜົນເຖິງ ເສດຖະກິດ ດັດສະນີ ລາຄາ ສະບຽງ ອາຫານຂອງ FAO ໄດ້ມີການປ່ຽນແປງໃນແຕ່ລະເດືອນໂດຍສະເພາະ ເດືອນເມສາຜ່ານມາ, ບັນດາທັນຍາພືດ, ຜະລິດຕະພັນຈາກນ້ຳນົມ, ຊິ້ນ ແລະ ນ້ຳຕານ ບັນລຸ 165,5 ຈຸດ , ຫລຸດລົງ 3,4% ເມື່ອທຽບໃສ່ ເດືອນມີນາຜ່ານມາ.
FAO ໃຫ້ຮູ້ວ່າ ບັນດາ ປະເທດ ຜະລິດ ຂະໜາດໃຫຍ່ພວມຜະເຊີນກັບສະພາບການຢຸດຈື້ງໃນຂົງເຂດການຜະລິດໃນຂະນະທີ່ຄຳສັ່ງປິດເມືອງຢູ່ບັນດາປະເທດ ແລະ ເຂດແຄວ້ນ ເພື່ອສະກັດກັ້ນ ຄວາມສ່ຽງ ໃນການແຜ່ ລະບາດ ຂອງ ພະຍາດໂຄວິດ-19 ສົ່ງຜົນໃຫ້ ປະລິມານ ການຂາຍຫລຸດລົງຢ່າງຫລວງຫລາຍ.
ນອກຈາກນັ້ນ, FAO ໄດ້ສືບຕໍ່ຮັກສາ ປະລິມານທັນຍາພືດໃຫ້ມີຄວາມໝັ້ນຄົງໃນລະດັບສູງເຖິງ 2,720 ຕື້ໂຕນ ໃນປີ 2019 ແຕ່ຫລຸດຜ່ອນຄວາມຕ້ອງການ ໃນການນຳໃຊ້ສິນຄ້າປະເພດນີ້ໃນສົກປີ 2019-2020 ລວມມີ 24,7 ລ້ານໂຕນ ເນື່ອງຈາກຜົນກະທົບຈາກພະຍາດໂຄວິດ-19 ຕໍ່ພື້ນຖານ ເສດຖະກິດ. ອົງການນີ້ ຍັງຄາດວ່າ ແຫລ່ງສະໜອງ ແລະ ຄວາມຕ້ອງການ ເຂົ້າບາເລຢູ່ທົ່ວໂລກ ໃນລະດູ ເກັບກ່ຽວ 2020-2021 ບັນລຸ ປະລິມານ 762,6 ລ້ານໂຕນ.
