ໜ່ວຍກູ້ຊີບອົງການກາແດງລາວ 1625 ລົງສີດຜົ່ນຢາຂ້າເຊື້ອພາຍໃນເຮືອນຫ້ອງແຖວບ້ານໜອງດ້ວງ
April 13, 2020 - 1:14 PM
ໃນວັນທີ 12 ເມສານີ້, ອາສາສະໝັກຂອງໜ່ວຍກູ້ຊີບອົງການກາແດງລາວ 1625 ໄດ້ລົງພາກສະໜາມສີດຜົ່ນຢາຂ້າເຊື້ອພາຍໃນເຮືອນຫ້ອງແຖວບ້ານໜອງດ້ວງ ເມືອງສີໂຄດຕະບອງ ນະຄອນຫຼວງວຽງຈັນ, ທີ່ຜູ້ຕິດເຊື້ອພະຍາດ COVID-19 ກໍລະນີຜູ້ທີ 16, 17, 18 ແລະ 19 ພັກອາໄສຢູ່ ແລະ ຊຸມແຊວສັງສັນກັນ.
ພາຍຫຫລັງທີ່ກະຊວງສາທາລະນະສຸກໄດ້ຖະແຫລງຂ່າວຕໍ່ສື່ມວນຊົນໃນວັນທີ 9-11 ເມສາວ່າ: ພົບກໍລະນີຜູ້ຕິດເຊື້ອເພີ່ມອີກ 2 ຄົນ ອາໄສຢູ່ເຮືອນຫ້ອງແຖວບ້ານໜອງດ້ວງ ເມືອງສີໂຄດຕະບອງ ນະຄອນຫລວງວຽງຈັນ. ເຊິ່ງປັດຈຸບັນ ສປປ ລາວ ມີຜູ້ຕິດເຊື້ອໂຄວິດ-19 ຈຳນວນ 19 ຄົນ.
