FA ໄດ້ເຊີນ ເດເລ່ ອັນລີ ເຂົ້າຊີ້ແຈງເຫດຜົນທີ່ໂພສຄິບເຢາະເຢີຍໄວຣັສໂຄໂຣນາ

FA ຫຼື ສະມາຄົມກີລາບານເຕະອັງກິດ ກຽມເຊີນໂຕ ເດເລ່ ອັນລີ ກອງກາງຄົນເກ່ງຂອງ ທອດແນມ ຮອດສະເປີ ທີມດັງໃນພຣີເມຍລີກອັງກີດ ເຂົ້າໄປຊີ້ແຈງ ຫຼັງຈາກທີ່ ອັນລີ່ ໂພສຄິບສວມໜ້າກາກອານາໄມໃນສະໜາມບີນແຫ່ງໜື່ງພ້ອມແຄບຊັ່ນເຢາະເຢີຍໄວຣັສໂຄໂຣນາ ພໍຄິບວິດີໂອດັງກ່າວໄດ້ເຜີຍແພ່ອອກຕາມສື່ສັງຄົມອອນລາຍ ເດ້ລ່ ອັນລີ ໄດ້ຖືກສັງຄົມວິຈານຢ່າງໜັກວ່າ ໄວຣັສໂຄໂຣນາ ບໍ່ແມ່ນເລື່ອງຕະຫຼົກເພາະເປັນໄວຣັສທີ່ເຮັດໃຫ້ຜູ້ຄົນເສຍຊີວິດຈຳນວນຫຼາຍ

    ສຽງວິຈານຈາກສັງຄົມນີ້ເຮັດໃຫ້ ເດເລ່ ອັນລີ ຕ້ອງໄດ້ອອກມາຂໍໂທດຜ່ານສື່ສັງຄົມອອນລາຍຂອງຈີນ Weibo ໂດຍບອກວ່າ: ຢາກຂໍໂທດສຳຫຼັບຄິບວິດີໂອໃນ snapchat ສຸດທ້າຍກໍ່ໄດ້ລົບຄິບດັ່ງກ່າວອອກ ຂໍໂທດທີ່ເຮັດສະໂມສອນແລະແຟນບານຜິດຫວັງ ແລະ ຂໍສົ່ງກຳລັງໃຈ,ຄວາມຫວັງດີ,ຄຳພາວະນາ ໃຫ້ທຸກຄົນໃນປະເທດຈີນປອດໄພ

    ຫຼ້າສຸດ FA ຫຼື ສະມາຄົມກີລາບານເຕະອັງກິດເຊີນໂຕ ເດເລ່ ອັນລີ ເຂົ້າຊີ້ແຈງເນື່ອງຈາກມີກົດບັງຄັບກ່ຽວກັບການໃຊ້ງານສື່ສັງຄົມອອນລາຍຂອງນັກເຕະ ຫາກຜູ້ເລ່ນໂພສບໍ່ເໝາະສົມສ້າງຄວາມເສື່ອມເສຍໃຫ້ອົງກອນ ແລະ ອາດຖືກພິຈາລະນາໂທດຮ້າຍແຮງ ຫາກພົບວ່າເປັນຂໍ້ຄວາມທີ່ດູຖູກເຊື້ອຊາດ,ສີຜິວ,ສາສະໜາ ຫຼື ຄວາມພິການ