ຜ້າອັດປາກທຳມະດາສາມາດປ້ອງກັນພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໄດ້
January 28, 2020 - 2:18 PM
ຫລາຍຄົນສົງໄສວ່າການໃສ່ຜ້າອັດປາກແບບທຳມະດາທີ່ມີຂາຍຕາມທ້ອງຕະຫລາດທົ່ວໄປຈະສາມາດປ້ອງກັນພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ (Novel Corona Virus-nCOV) ໄດ້ຫລືບໍ່? ແລະ ຕ້ອງໃສ່ແບບໃດຈຶ່ງຈະຖືກວິທີ ແລະ ສາມາດປ້ອງກັນໄດ້. ສະນັ້ນ, ການທີ່ເຮົາໃສ່ຜ້າອັດປາກແບບທຳມະດາແມ່ນສາມາດປ້ອງກັນພະຍາດດັ່ງກ່າວໄດ້ ແຕ່ບໍ່ສາມາດກັນໄດ້ 100% ກ່ອນຈະໃສ່ຜ້າອັດປາກຄວນລ້າງມືກ່ອນທຸກຄັ້ງ, ຈາກນັ້ນດຶງຜ້າອັດປາກມາໃສ່ ໂດຍເອົາເນື້ອຜ້າທີ່ເປັນສີອອກນອກ, ເອົາສີຂາວເຂົ້າໃນ, ໃຫ້ໂຄງເຫລັກຢູ່ດ້ານເທິງ, ເວລາຖອດຜ້າອັດປາກອອກຄວນດຶງສາຍມັນອອກແລ້ວຖິ້ມທັນທີ ເພື່ອປ້ອງກັນພະຍາດດັ່ງກ່າວໄດ້ດີຂຶ້ນ, ພ້ອມນີ້ເຮົາຄວນປ້ອງກັນຕົນເອງໄວ້ໂດຍລ້າງມືໃສ່ສະບູ ຫລື ນ້ຳຢາຂ້າເຊື້ອ, ໃສ່ຜ້າອັດປາກເວລາອອກໄປຂ້າງນອກ ຫລື ຢູ່ບ່ອນຊຸ່ມຊົນແອອັດທຸກໆຄັ້ງ.
