ສະໂມສອນລາວໂຕໂຢຕ້າ ຫວັງສ້າງຜົນງານໂດດເດັ່ນໃນການແຂ່ງຂັນບານເຕະ AFC Cup 2020
ພາຍຫຼັງການຈັບສະຫຼາກຮອບແບ່ງກຸ່ມ AFC Cup 2020 ສະໂມສອນບານເຕະລາວໂຕໂຢຕ້າຢູ່ໃນກຸ່ມ F ປະກອບມີ : ສະໂມສອນໂຮຈີມິນເອຟຊີ(ຫວຽດນາມ),ສະໂມສອນ Hougang United FC(ສິງກະໂປ),ແລະທີມຜູ້ຊະນະຈາກການແຂ່ງຂັນຮອບຄັດເລືອກຄືທີມຈາກມຽນມາແລະບຣູໄນ
ຕໍ່ຜົນຈັບສະຫຼາກດັ່ງກ່າວ ທ່ານ ສອນນະລີນ ນ້ອຍດາລາ ຜູ້ຊ່ວຍຜູ້ຈັດການທີມລາວໂຕໂຢຕ້າໄດ້ໃຫ້ຮູ້ວ່າການກຽມຄວາມພ້ອມຂອງທີມທີ່ຈະເຂົ້າໄປແຂ່ງຂັນລາຍການ AFC Cup 2020 ປັດຈຸບັນທີມມີຄວາມພ້ອມເປັນຢ່າງດີໂດຍກຽມຄັດເລືອກນັກເຕະທີ່ດີທີ່ສຸດພ້ອມດຽວກັນນັ້ນທາງສະໂມສອນຍັງວາງແຜນທີ່ຈະດືງຜູ້ຫລິ້ນໜ້າໃໝ່ເຂົາມາເສີມທີມເພື່ອຍົກລະດັບມາດຕະຖານທີມໃຫ້ສູງຂື້ນແລະຍັງວາງແຜນກຽມຄວາມພ້ອມຕໍ່ການແຂ່ງຂັນລາຍການ ລີໂອ ພຣີຊີຊັ່ນ 2020 ທີ່ຈະຈັບສະຫຼາກແລະແຂ່ງຂັນໃນໄວໆນີ້
ທ່ານ ສອນນະລີນ ນ້ອຍດາລາ ໃຫ້ຮູ້ອີກວ່າ ຜົນງານຂອງທີມທີ່ເຮັດໄດ້ດີທີສຸດໃນລາຍການ AFC Cup ຄືຮອບແບ່ງກຸ່ມແລະຕໍ່ໜ້ານີ້ທາງສະໂມສອນຈະສ້າງຜົນງານໃຫ້ດີຂື້ນກວ່າເກົ່າຫວັງຈະສ້າງປະຫວັດສາດຜ່ານເຂົ້າໄປຮອບເລິກໆໃຫ້ໄດ້. ນັດທຳອິດຂອງລາຍການ AFC Cup 2020 ສະໂມສອນລາວໂຕໂຢຕ້າຈະພົບກັບທີມສະໂມສອນໂຮຈີມິນເອຟຊີ(ຫວຽດນາມ)ໃນວັນທີ 26/02/2020 ທີ່ຈະມາເຖິງ.
