ຮອງປະທານ ສພຂ ວຽງຈັນ ມອບເຄ່ືອງຊ່ວຍເຫລືອໃຫ້ປະຊາຊົນແຂວງເຊກອງ
October 30, 2019 - 9:50 AM
ໃນວັນທີ 28 ຕຸລາ ນີ້, ທ່ານ ນາງ ບົວວັນ ທໍາມະວົງ, ຮອງປະທານສະພາປະຊາ ຊົນແຂວງ ວຽງຈັນ ໄດ້ນໍາເອົາ ເຄື່ອງອຸປະໂພກ-ບໍລິໂພກຈໍານວນໜຶ່ງໄປມອບໃຫ້ ເຊກອງ ເພື່ອນໍາໄປຊ່ວຍເຫຼືອປະຊາ ຊົນທີ່ໄດ້ຮັບຜົນກະທົບຈາກ ໄພນໍ້າຖ້ວມ ເຊິ່ງມີເຄື່ອງນຸ່ງຫົ່ມ 2 ແກັດ, ນໍ້າດື່ມ 38 ແກັດ, ໝີ່ໄວໆ 31 ແກັດ, ຜ້າຫົ່ມ 20 ຜືນ, ອຸປະກອນການສຶກສາ ແລະ ເຄື່ອງໃຊ້ປະຈໍາວັນອີກ ຈໍານວນໜຶ່ງ.
ໃນໂອກາດນີ້, ຜູ້ຕາງໜ້າ ແຂວງ ເຊກອງ ກໍໄດ້ກ່າວສະແດງຄວາມຂອບໃຈຕໍ່ສະພາແຂວງວຽງຈັນ ທີ່ໄດ້ນໍາເອົາ ວັດຖຸປັດໄຈດັ່ງກ່າວມາຊ່ວຍ ເຫຼືອປະຊາຊົນທີ່ປະສົບໄພນໍ້າຖ້ວມຄັ້ງນີ້ ແລະ ຢືນຢັນ ວ່າຈະນໍາເອົາເຄື່ອງຊ່ວຍເຫຼືອດັ່ງກ່າວໄປມອບໃຫ້ຮອດໃຫ້ ເຖິງປະຊາຊົນທີ່ພົບຄວາມຫຍຸງຍາກ ເພື່ອເປັນການປະກອບສ່ວນຊຸກຍູ້ໃຫ້ກໍາລັງໃຈແກ່ເຂົາເຈົ້າ ສາມາດຟື້ນຟູຊີວິດການເປັນຢູ່ຂອງຕົນຜູ້ກັບຄືນສູ່ສະພາບປົກກະຕິໂດຍໄວ.
