ມີຜູ້ເສຍຊີວິດ 32 ຄົນຈາກເຫດການກໍ່ຄວາມບໍ່ສະຫງົບ ໃນຄ້າຍຄຸມຂັງ ທາຈິກິສະຖານ
May 21, 2019 - 9:35 AM
ກະຊວງຍຸຕິທໍາທາຈິກິ ສະຖານຖະແຫລງວ່າ: ນັກໂທດ 5 ຄົນ ແລະ ຜູ້ຄຸມ 3 ຄົນ ຖືກນັກໂທດກຸ່ມກໍ່ການຮ້າຍ (ໄອເອສ) ຂ້າຕາຍລະຫວ່າງ ເຫດການກໍ່ຄວາມບໍ່ສະຫງົບ, ໃນວັນທີ 19 ພຶດສະພານີ້, ຢູ່ທີ່ຄ້າຍຄຸມຂັງ ເຊິ່ງມີການປ້ອງ ກັນຄວາມປອດໄພໜາແໜ້ນຫ່າງປະມານ 10 ກິໂລແມັດ ຂອງ ນະຄອນຫລວງດູຊານເບ. ເຈົ້າໜ້າທີ່ກ່າວວ່າ ນັກໂທດກຸ່ມໄອເອສ ເປັນຝ່າຍ ເລີ່ມກໍ່ຄວາມຮຸນແຮງຂຶ້ນ ກ່ອນ ແລະ ນັກໂທດກຸ່ມດັ່ງກ່າວ ໃຊ້ມີດເປັນອາວຸດຂ້າຜູ້ຄຸມ 3 ຄົນ ພ້ອມນັກໂທດ 5 ຄົນກ່ອນທີ່ເຈົ້າໜ້າທີ່ຮັກສາ ຄວາມໝັ້ນ ຄົງໄດ້ສັງຫານ ສະມາຊິກກຸ່ມຫົວຮຸນແຮງ ຈຳນວນ 24 ຄົນ ແລະ ນຳ ກຳລັງເຂົ້າຮັກສາຄວາມສະ ຫງົບໜາແໜ້ນພາຍໃນຄ້າຍຄຸມຂັງດັ່ງກ່າວ./.
