ແຣມຊີ ຕົກລົງຍ້າຍຮ່ວມ ຢູເວນຕຸສ ແລ້ວ
December 31, 2018 - 4:35 PM
ອາຣອນ ແຣມຊີ ມິດຟິວ ອາເຊນອລ ສະໂມສອນຍັກໃຫຍ່ແຫ່ງ ພຣີເມຍລີກ ຕົກເປັນຂ່າວວ່າໄດ້ຕົກລົງຈະຍ້າຍໄປຢູ່ກັບ ຢູເວນຕຸສ ຍອດທີມແຫ່ງ ກັລໂຊ ເຊເຣຍອາ ຮຽບຮ້ອຍແລ້ວ.
ຄໍເຣເອລເລ່ ເດລໂລ່ ສະປອດ ໜັງສືພິມອີຕາລີ ອ້າງວ່າຈະມີການຢືນຢັນເລື່ອງການຍ້າຍໄປຮ່ວມທີມ ຢູເວນຕຸສ ຂອງດາວທີມຊາດເວລ ອອກມາຢ່າງເປັນທາງການໃນມໍ່ໆນີ້ ຫລັງຈາກນັກເຕະຕັດສິນໃຈບໍ່ຕໍ່ສັນຍາສະບັບໃໝ່ກັບ ອາເຊນອລ ເຊິ່ງຈະໝົດລົງຫລັງຈົບລະດູການນີ້.
ຂະນະທີ່ ຕຸດໂຕ້ສະປອດ ສື່ອີກແຫ່ງ ອ້າງວ່າ: ແຣມຊີ ໄດ້ຕົກລົງສັນຍາໄລຍະເວລາ 4 ປີ ກັບ ຢູເວນຕຸສ ແລ້ວ ພ້ອມຮັບເງິນຄ່າເມື່ອຍປີລະ 8 ລ້ານຢູໂຣ ໂດຍລາວຈະຍ້າຍໄປເປັນສະມາຊິກໃໝ່ຂອງ ຢູເວນຕຸສ ແບບບໍ່ມີຄ່າຕົວໃນຊຳເມີ້ນີ້.
