ຫວຽດນາມ ແລະ ອິນເດຍ ຕົກລົງ ສົ່ງເສີມການຄ້າ ແລະ ປ້ອງກັນປະເທດ

ຫວຽດນາມ ​ແລະ ອິນ​ເດຍ ​ເຫັນ​ພ້ອມ​ສົ່ງ​ເສີມ​ການ​ຄ້າ ລວມທັງຂະຫຍາຍ​ການ​ຮ່ວມ​ມື​ດ້ານ​ປ້ອງ​ກັນ​ປະ​ເທດ ​ແລະ ຄວາມ​ໝັ້ນຄົງ​ລະຫວ່າງ​ຜູ້ນຳ​ອິນ​ເດຍຢ້ຽມຢາມ​ນະຄອນຫລວງ​ຮ່າ​ໂນ້ຍ.

ປະທານ​າທິບໍດີ ຣາ ນານ ​ໂກ​ວິນ ຂອງ​ອິນ​ເດຍ ກ່າວ​ລະຫວ່າງ​ການ​ຖະ​ແຫລ​ງຂ່າວ​ຮ່ວມ​ຢູ່​ນະຄອນຫລວງ​ຮ່າ​ໂນ້ຍວ່າ: ທ່ານ ​ແລະ ປະທານ​ປະ​ເທດ ຫງວຽນຝູຈ້ອງ ຍັງ​ໄດ້​ພິຈາລະນາ​ໂຄງການ​ເງິນ​ກູ້​ຂອງ​ອິນ​ເດຍ ມູນ​ຄ່າ 100 ລ້ານ​ໂດ​ລາ​ສະຫະລັດ ​ໃນ​ການ​ຕໍ່​ເຮືອລາດຕະ​ເວນ​ຄວາມ​ໄວ​ສູງ​ສຳລັບ​ກອງ​ເຮືອ​ໜ່ວຍ​ຍາມ​ຝັ່ງ​ຫວຽດນາມ. ນອກຈາກ​ນີ້ ຜູ້ນຳຫວຽດນາມ​ກ່າວ​ວ່າ: ຫວຽດນາມ ​ແລະ ອິນ​ເດຍ ຈະ​ຫາ​ແນວທາງ​ສົ່ງ​ເສີມ​ການ​ລົງທຶນ​ຂະໜາດ​ກາງ​ນຳ​ອີກ. ປັດຈຸບັນ ອິນ​ເດຍມີ​ໂຄງການ​ລົງທຶນ 182 ​ໂຄງການ ມູນ​ຄ່າ 816 ລ້ານ​ໂດ​ລາ​ສະຫະລັດ ​ໃນ​ຫວຽດນາມ. ຂະນະ​ທີ່​ຂະ​ແໜງ​ທຸລະ​ກິດ​ ຫວຽດນາມ​ມີ​ໂຄງການ 7 ​ໂຄງການ ມູນ​ຄ່າ​ປະມານ 6 ລ້ານ​ໂດ​ລາ​ໃນ​ອິນ​ເດຍ. ປະທານາທິບໍດີອິນ​ເດຍຢ້ຽມຢາມ​ຫວຽດນາມ​ເປັນ​ເວລາ 3 ວັນ.