ສະມາຄົມອາສາກູ້ໄພນະຄອນຫລວງວຽງຈັນ 1624 ຮ່ວມກິດຈະກຳປ່ອຍສັດປ່າຄືນສູ່ທຳມະຊາດ

       ໃນວັນທີ 6 ພະຈິກນີ້, ສະມາຄົມອາສາກູ້ໄພນະຄອນຫລວງວຽງຈັນ 1624 ຮ່ວມກັບກອງກວດກາປ່າໄມ້ ນະຄອນຫລວງວຽງຈັນ, ກົມອານຸລັກສັດນໍ້າ–ສັດປ່າ, ຕຳຫລວດປ່າໄມ້, ທະຫານປ່າໄມ້ ​ແລະ ໜ່ວຍງານຄຸ້ມຄອງອະນຸລັກສັດປ່າເຂດປ່າສະຫງວນ ໄດ້ຈັດກິດຈະກຳປ່ອຍສັດປ່າຄືນສູ່ທຳມະຊາດ ​ເຊິ່ງມີ ໂຕເຫ້ຍ 200 ກ່ວາໂຕ ແລະ ງູເຫລືອມໃຫ່ຍ 1 ໂຕ (​ເຊິ່ງແມ່ນງູເຫລືອມທີ່ສະມາຄົມອາສາກູ້ໄພນະຄອນຫລວງວຽງຈັນ 1624 ຈັບມາໄດ້ຈາກໂຮງຮຽນມັດທະຍົມສີຖານໃຕ້ໃນ​ເດືອນ​ຜ່ານມາ) ​ນໍາໄປປ່ອຍຄືນສູ່ທໍາມະຊາດທີ່ເຂດປ່າສະຫງວນແຫ່ງຊາດພູເຂົາຄວາຍ, ເຂດອະນຸລັກສັດປ່າເຂດປ່າສະຫງວນຕາດເລິກ, ເມືອງປາກງື່ມ, ນະຄອນຫຼວງວຽງຈັນ, ​ເພື່ອເປັນສ່ວນໜຶ່ງຊ່ວຍຟື້ນຟູຄວາມອຸດົມສົມບູນຂອງລະບົບນິເວດທຳມະຊາດໃຫ້ມີ​ຄວາມ​ອຸດົມສົມບູນ.