ຜູ້ນຳຟີລິບປິນສັ່ງຫ້າມພົນລະເມືອງ ໄປເຮັດວຽກຢູ່ກູເວດເປັນການຖາວອນ

ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຂອງ​ຟີ​ລິບ​ປິນ ກ່າວ​ໃນ​ວັນ​ທີ 29 ​ເມສາ​ຜ່ານ​ມາ​ວ່າ: ປະກາດ​ຫ້າມ​ຊາວ​ຟີ​ລິບ​ປິນ​ໄປ​ເຮັດ​ວຽກ​ໃນ​ກູ​ເວດ​ເປັນ​ການ​ຊົ່ວຄາວ​ໄດ້ຍົກ​ລະດັບ​ເປັນ​ຄຳ​ສັ່ງ​ຫ້າມ​ຖາວອນ​ແລ້ວ ຍິ່ງ​ສະ​ແດງ​ເຖິງ​ຄວາມ​ຂັດ​ແຍ່ງ​ທາງ​ການ​ທູດ​ທີ່​ເຂັ້ມງວດ​ຂຶ້ນຕາມ​ລາຍ​ງານ​ວ່າ ກູ​ເວດ​ປະຕິບັດ​ບໍ່​ດີ​ກັບ​ແຮງ​ງານ​ຕ່າງ​ຊາດ ​ແລະ ຍັງ​ຮຽກຮ້ອງ​ໃຫ້​ແຮງ​ງານ​ຟີ​ລິບ​ປິນທີ່​ເຮັດ​ວຽກ​ຢູ່​ກູ​ເວດ​ເດີນທາງ​ກັບ​​ໂດຍ​ໄວ.

https://www.facebook.com/vovph/videos/1816078808414371/

ຜູ້ນຳ​ຟີ​ລິບ​ປິນປະກາດ​ໃນ​ເດືອນ​ກຸມພາ​ ຫ້າມ​ແຮງ​ງານ​ເດີນທາງ​ໄປ​ກູ​ເວດ ຫລັງ​ເຫດ​ຄາດ​ຕະກຳ​​ແຮງ​ງານ​ຟີ​ລິບ​ປິນ ​ແລະ ​​ເຊື່ອງ​ສົບ​ໄວ້​ໃນ​ຊ່ອງ​ແຊ່​ແຂງ. ວິ​ກິດ​ດັ່ງກ່າວ​ຍິ່ງ​ຮຸນ​ແຮງ​ຂຶ້ນ ພາຍຫລັງ​ທາງ​ການ​ກູ​ເວດ​ມີ​ຄຳ​ສັ່ງ​ໃນ​ອາທິດ​ຜ່ານ​ມາ ​ໃຫ້​ອຸປະ​ທູດ​ຟີ​ລິບ​ປິນ​ເດີນທາງ​ອອກ​ຈາກປະ​ເທດ ຈາກ​ກໍລະນີ​ທີ່​ມີ​ວີ​ດີ​ໂອ​ເຜີຍ​ແຜ່​ເຈົ້າໜ້າ​ທີ່​ສະຖານທູດ​ຟີ​ລິບ​ປິນ​ໃຫ້ການ​ຊ່ວຍ​ເຫລືອ​ແຮງ​ງານ​ໃນ​ກູ​ເວດ​ຫລົບໜີ​ນາຍ​ຈ້າງ​ທີ່​ທາ​ຮຸນ. ຜ່ານ​ມາ ​ຟີ​ລິບ​ປິນ ​ແລະ ກູ​ເວດ ​ໄດ້​ເຈລະຈາ​ຫວັງ​ສ້າງ​ຂໍ້​ຕົກລົງ​ແຮງ​ງານ​ກັນ ​ເຊິ່ງ​ເຈົ້າໜ້າ​ທີ່​ຟີ​ລິບ​ປິນກ່າວ​ວ່າ ​ເພື່ອ​ນຳ​ໄປ​ສູ່​ການ​ຍົກ​ເລີກ​ຂໍ້​ຫ້າມ​ແຮງ​ງານ, ​ແຕ່​ຈາກ​ຄວາມ​ເຄັ່ງ​ຕຶງ​ທີ່​ຮຸນ​ແຮງ​ຂຶ້ນ ຈຶ່ງ​ເຮັດ​ໃຫ້​ບໍ່ມີ​ທ່າ​ອ່ຽງວ່າ​ຈະ​ສ້າງ​ຂໍ້​ຕົກລົງ​ກັນ​ໄດ້.