ເກີດເຫດປະທ້ວງຢູ່ເນປານ ຈູດຕຶກສະພາ ນາຍົກລາອອກ ມີຜູ້ເສຍຊີວິດແລ້ວ 23 ຄົນ
ເກີດເຫດປະທ້ວງເດືອດຢູ່ເນປານ ຫລັງກຸ່ມຄົນຮຸ້ນໃໝ່ຢູ່ເນປານລວມຕົວປະທ້ວງຕໍ່ຕ້ານການສໍ້ລາດບັງຫລວງ ເຊິ່ງເປັນບັນຫາທີ່ຝັງຮາກເລິກຢູ່ໃນເນປານມາຍາວນານ ບວກກັບກະແສຄວາມບໍ່ພໍໃຈມາດຕະການຫ້າມນໍາໃຊ້ໂຊຊຽວມີເດຍຕ່າງໆຂອງລັດຖະບານ ເຖິງວ່າຈະມີການຍົກເລີກຄໍາສັ່ງດັ່ງກ່າວໃນເວລາຕໍ່ມາກໍຕາມ, ແຕ່ສະຖານະການກໍລຸກລາມຍິ່ງຂຶ້ນ ພາຍຫລັງກຸ່ມຜູ້ປະທ້ວງປະທະກັບເຈົ້າໜ້າທີ່ຕໍາຫລວດ ໃນວັນທີ 8 ກັນຍາຜ່ານມາ ຈົນເຮັດໃຫ້ມີຜູ້ເສຍຊີວິດ 19 ຄົນ ສົ່ງຜົນເຮັດໃຫ້ກະແສຄວາມບໍ່ພໍໃຈຍິ່ງຂະຫຍາຍວົງກວ້າງ ແລະ ມີຜູ້ເສຍຊີວິດເພີ່ມອີກ 4 ຄົນໃນວັນທີ 9 ກັນຍາ.
ປະຊາຊົນຊາວເນປານໄດ້ຈູດໄຟເຜົາອາຄານສະພາ ແລະ ໂຈມຕີອາຄານຂອງລັດຖະບານ ລວມທັງເຮືອນພັກຂອງນັກການເມືອງທົ່ວປະເທດ ຈົນນໍາໄປສູ່ການຕັດສິນໃຈລາອອກຂອງທ່ານ ເຄ ພີ ສອນມະ ໂອລີ ນາຍົກລັດຖະມົນຕີເນປານ ສົ່ງຜົນເຮັດໃຫ້ສະຖານະການທາງການເມືອງຂອງເນປານສັ່ນຄອນ ໂດຍປະທານາທິບໍດີເນປານຈະປະຊຸມສະພາເພື່ອຈັດຕັ້ງລັດຖະບານຊົ່ວຄາວ ເຊິ່ງອາດມີອົງກອນຂອງຄົນຮຸ້ນໃໝ່ເຂົ້າຮ່ວມໃນການຫາລື.
ອ້າງອີງ:
- https://www.bbc.com/news/articles/c0m4vjwrdwgo
- https://edition.cnn.com/2025/09/09/asia/nepal-protests-social-media-ban-explainer-intl-hnk
- https://apnews.com/article/nepal-protest-social-media-ban-89cf500969536cf2a35c3fb884cfa620
- https://www.indiatoday.in/world/story/former-nepal-pm-jhala-nath-khanals-wife-succumbs-to-burn-injuries-after-protesters-set-house-ablaze-2784558-2025-09-09
