ກອງທັບອິດສະລາແອນກ່າວວ່າ ໄດ້ໂຈມຕີສູນບັນຊາການທະຫານ ແລະ ສາງອາວຸດຢູ່ຊິຣີທາງໃຕ້
March 11, 2025 - 2:48 PM
ກອງທັບອິດສະລາແອນຖະແຫລງໃນວັນທີ 11 ມີນາວ່າ: ໄດ້ປະຕິບັດການໂຈມຕີສູນບັນຊາການທະຫານ ແລະ ສາງອາວຸດໃນພື້ນທີ່ທາງໃຕ້ຂອງຊິຣີໃນຄືນຜ່ານມາ.
ການໂຈມຕີໂຄງລ່າງພື້ນຖານທາງທະຫານຂອງຊິຣີຄັ້ງຫລ້າສຸດນີ້ ກອງທັບອິດສະລາແອນລະບຸວ່າ: ໄດ້ຕັ້ງເປົ້າໝາຍໃສ່ລະບົບເຣດາ ແລະ ອຸປະກອນສອດແນມທີ່ໃຊ້ໃນການຮວບຮວມຂໍ້ມູນຂ່າວທາງອາກາດຢູ່ທາງພາກໃຕ້ຂອງປະເທດ.
ສໍານັກຂ່າວຣອຍເຕີລາຍງານວ່າ: ຍັງບໍ່ມີລາຍງານຜູ້ບາດເຈັບ ຫລື ເສຍຊີວິດຈາກເຫດການດັ່ງກ່າວ.
