ຊາດີໂອ ມາເນ ກຽມລາ ບາເຢີນ ມິວນິກ ຍ້າຍຮ່ວມ ອັລ ນາສເຊີ
ຊາດິໂອ ມາເນ ກອງໜ້າຊາວ ເຊເນກັລ ຂອງ ບາເຢິນ ມິວນິກ ກຽມຍ້າຍໄປຮ່ວມທີມ ອັລ ນາສເຊີ ສະໂມສອນແຫ່ງ ຊາອຸ ໂປຣ ລີກ ໃນປະເທດຊາອຸດິອາຣາເບຍ.
The Athletic ສື່ດັງລາຍງານວ່າ ຣູຟ ຕົວແທນທີ່ເບິ່ງແຍງ ມາເນ ໄດ້ພົບກັບຜູ້ອໍານວຍການກິລາ ອັລ ນາສເຊີ ທີ່ໂຮງແຮມໃນປອກຕຸຍການ. ເພື່ອປຶກສາຫາລືກ່ຽວກັບຄວາມຄືບຫນ້າໃນການຍ້າຍທີມຂອງອະດີດດາວເຕະລິເວິພູລ.
ສຳລັບ ມາເນ ຕອນນີ້ກຳລັງເກັບໂຕຢູ່ກັບທັບ “ເສືອໃຕ້” ໃນແດນຟອຍທອງ ເພື່ອກຽມຄວາມພ້ອມໃນລະດູການ 2023/2024 ເຊິ່ງເປັນທີ່ເຂົ້າໃຈກັນວ່າ ສະໂມສອນແຊ້ມ ບຸນເດສລິກາ 11 ສະໄໝອາດຈະປັບຄ່າຕົວ ດາວຍິງທີມຊາດເຊເນການ ສູງກວ່າທີ່ຕັ້ງໄວ້ກ່ອນໜ້ານີ້.
ເນື່ອງຈາກວ່າກ່ອນນີ້ ບາເຢີນ ໄດ້ຕັ້ງຄ່າຕົວໃຫ້ກັບ ມາເນ ທີ່ຍ້າຍຈາກ “ຫົງແດງ” ມາຫລິ້ນຢູ່ຖິ່ນ ອາລິອັນຊ໌ ອາຣີນາ ດ້ວຍລາຄາ 32 ລ້ານເອີໂຣ ເມື່ອຊ່ວງຊຳເມີທີ່ຜ່ານມາ ຕັ້ງໄວ້ທີ່ 20 ລ້ານເອີໂຣ ເທົ່ານັ້ນ.
