ບາເຍີນ ມິວນິກ ກຽມຍື່ນຂໍ້ສະເໜີໃໝ່ ຊື້ ແຮ່ລີ ເຄນ 70 ລ້ານປອນ
July 9, 2023 - 4:30 PM
ບາເຢິນ ມິວນິກ ກຽມຈະຍື່ນຂໍ້ສະເໜີໃໝ່ດ້ວຍລາຄາ 70 ລ້ານປອນໃຫ້ກັບ ທັອດແນມ ຮັອດສະເປີ ພິຈາລະນາຂໍຊື້ ແຮ່ລີ ເຄນ, ມາຮ່ວມທັບອີງຕາມໜັງສືພິມ Daily Mail.
ກ່ອນໜ້ານີ້ທາງ ເສືອໃຕ້ ເຄີຍສະແດງຄວາມສົນໃຈຢາກໄດ້ ກອງໜ້າທີມຊາດອັງກິດ ແລະ ໄດ້ສະເຫນີ 55 ລ້ານປອນແລ້ວ ແຕ່ຖືກປະຕິເສດເພາະວ່າຍັງບໍ່ທັນບັນລຸລາຄາທີ່ພວກເຂົາຄາດໄວ້.
ທັ້ງນີ້ ເຄນ ຍັງເຫລືອສັນຍາກັບ ສະເປີ ອີກ 1 ປີ ກ່ອນທີ່ເຂົາຈະຍ້າຍອອກໄປໄດ້ແບບບໍ່ເສຍຄ່າໂຕໃນປີ 2024 ເຊິ່ງເຮັດໃຫ້ຫລາຍຄົນຄາດວ່າ ສະເປີ ຈະຢາກຂາຍເຂົາໃນຊ່ວງຊຳເມີນີ້. ກ່ອນທີ່ຈະສ່ຽງຕໍ່ການສູນເສຍເຂົາໄປແບບຟຣີໆ ເມື່ອຈົບລະດູການໜ້າ.
