ປິດສາກ 12 ປີ ເດ ເກອາ ໂພສ ອຳລາ ແມນເຊັສເຕີ ຢູໄນເຕັດ
July 9, 2023 - 9:00 AM
ດາວິດ ເດ ເກອາ ໂພສຜ່ານອິນສະຕາແກຣມ ປະກາດອຳລາ ແມນເຊັສເຕີ ຢູໄນເຕັດ ຫລັງຈາກທີ່ບໍ່ສາມາດຕົກລົງສັນຍາສະບັບໃໝ່ໄດ້.
ສັນຍາຂອງຜູ້ຮັກສາປະຕູຊາວສະເປນກັບ ຜີສາດແດງ ໝົດລົງໃນວັນທີ 30 ມິຖຸນານີ້. ເຖິງວ່າກ່ອນໜ້ານີ້ທັງສອງຝ່າຍໄດ້ຕົກລົງສັນຍາສະບັບໃໝ່ເບື້ອງຕົ້ນ ເຊິ່ງໄດ້ຫລຸດຄ່າຈ້າງລົງຈຳນວນໜຶ່ງ ແຕ່ ແມນເຊັສເຕີ ຢູໄນເຕັດ ຕັດສິນໃຈປັບປ່ຽນສັນຍາຮອບໃໝ່. ເຮັດໃຫ້ການເຈລະຈາຢຸດສະງັກ ແລະ ຍືດເຍື້ອມາຮອດປະຈຸບັນ.
ຈົນຫລ້າສຸດ ເດ ເກອາ ໂພສລົງ ອິນສະຕາແກຣມ ອຳລາ ແມນເຊັສເຕີ ຢູໄນເຕັດ ເປັນທີ່ຮຽບຮ້ອຍ ປິກສາດ 12 ປີກັບສະໂມສອນ ດ້ວຍສະຖິຕິລົງສະໜາມ 545 ນັດ, ບໍ່ເສຍປະຕູ 190 ນັດ, ນັກເຕະດີເດັ່ນຂອງສະໂມສອນ 4 ສະໄໝ ແລະ ຖົງມືທອງຄຳ 2 ສະໄໝໃນພຣີເມຍລີກ.
