ຫ້ອງວ່າການສຳນັກງານ ປະທານປະເທດ ສະຫລຸບການປະຕິບັດວຽກງານປະຈຳປີ 2022

ໂອກາດນີ້, ທ່ານ ນາງ ປານີ ຢາທໍ່ຕູ້ ໄດ້ສະແດງຄວາມຍ້ອງຍໍຊົມເຊີຍ ທີ່ຫ້ອງວ່າການສຳນັກງານປະທານປະເທດ ຍາດຜົນງານມາໄດ້ໃນໄລຍະ 1 ປີທີ່ຜ່ານມາ. ພ້ອມທັງເນັ້ນໃຫ້ສືບຕໍ່ພັດທະນາກົງຈັກການຈັດຕັ້ງໃຫ້ມີຄວາມເຂັ້ມແຂງ, ກະທັດຮັດ, ຮັບປະກັນການປະຕິບັດໜ້າທີ່ການເມືອງໃຫ້ມີຜົນສໍາເລັດ ແລະ ເຄື່ອນໄຫວມີປະສິດທິພາບ, ສ້າງກົມເປັນຫົວໜ່ວຍຍຸດທະສາດ, ສ້າງພະແນກໃຫ້ມີຄວາມເຂັ້ມແຂງທາງດ້ານວິຊາການ ແລະ ສ້າງພັກ-ພະນັກງານໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ I ຂອງອົງຄະນະພັກ ຫສປທ ລວມທັງ 2 ວາລະແຫ່ງຊາດ ທີ່ຢູ່ໃນໄລຍະການສະຫລຸບກາງສະໄໝ; ສືບຕໍ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ-ລັດຖະກອນ ໃຫ້ມີຄວາມໜັກແໜ້ນເຂັ້ມແຂງ, ອຸ່ນອ່ຽນທຸ່ນທ່ຽງ ຫ້າວຫັນຕໍ່ໜ້າທີ່ວຽກງານ, ມີຄວາມເສຍສະລະ, ອົດທົນຜ່ານຜ່າຄວາມຫຍຸ້ງຍາກນາໆປະການ ໂດຍສະເພາະຄວາມຫຍຸ້ງຍາກທາງດ້ານເສດຖະກິດ; ເອົາໃຈໃສຍູ້ແຮງຂະບວນການຂອງອົງການຈັດຕັ້ງມະຫາຊົນ ດ້ວຍການສ້າງຂະບວນການ ເພື່ອສ້າງຄວາມສາມັກຄີພາຍໃນ ແລະ ແຂ່ງຂັນກັນຍົກສູງຄຸນນະພາບວຽກງານທາງດ້ານວິຊາສະເພາະ ໃນແຕ່ລະຂົງເຂດວຽກງານ; ສືບຕໍ່ຍົກສູງຄຸນນະພາບການເປັນເສນາທິການ ໃຫ້ມີຄວາມໜັກແໜ້ນຂຶ້ນຕື່ມ, ຫັນເຂົ້າສູ່ຄວາມເປັນມືອາຊີບຕາມທິດຫັນເປັນວິຊາການ, ຫັນເປັນຜູ້ຊໍານານງານ, ຜູ້ຊ່ຽວຊານ ແລະ ຫັນເປັນຜູ້ບໍລິຫານທີ່ມີຄວາມຮູ້ຄວາມສາມາດ ເຮັດລ້ອນໜ້າທີ່ການເມືອງ ທີ່ໄດ້ຮັບມອບໝາຍນັບມື້ນັບຫລາຍຂຶ້ນ; ການປະຕິບັດວຽກງານຕ້ອງໃຫ້ໄດ້ຕາມ 4 ຄາດໝາຍຄື: ໃຫ້ໄວ, ໃຫ້ດີ, ໃຫ້ຫລາຍ ແລະ ໃຫ້ຖືກກົດໝາຍ; ສືບຕໍ່ພັດທະ ນາ, ປົກປັກຮັກສາ ແລະ ນໍາໃຊ້ພື້ນຖານວັດຖຸເຕັກນິກທີ່ມີຢູ່ຂອງ ຫສປທ ໃຫ້ເກີດປະໂຫຍດສູງສຸດ ແລະ ຮັບປະກັນຄວາມຮຽບຮ້ອຍ ແລະ ຄວາມສະຫງົບປອດໄພຢູ່ພາຍໃນ, ສ້າງສະພາບແວດລ້ອມເອື້ອ ອໍານວຍເພື່ອຫັນວຽກງານຂອງ ຫສປທ ສູ່ທັນສະໄໝເທື່ອລະກ້າວ.

ຕໍ່ພາລະບົດບາດຂອງກົມທີ່ລາຍງາຍໃຫ້ຊາບນັ້ນ, ຍົກສູງພາລະບົດບາດ ການເປັນເສນາທິການຄົ້ນຄວ້າບັນດາເອກະສານສໍາຄັນ ເຊັ່ນ: ການຄົ້ນຄວ້າ ແລະ ກວດກາຄວາມຖືກຕ້ອງ ທັງສອດຄ່ອງກັບບັນດາກົດໝາຍ, ລັດຖະບັນຍັດ, ວຽກງານອະໄພຍະໂທດ ແລະ ຫລຸດຜ່ອນໂທດໃຫ້ແກ່ນັກໂທດ, ເພີ່ມທະວີການຊີ້ນໍາຂອງຄະນະພັກ ຕໍ່ການສ້ອມແປງໃຫຍ່ອາຄານຫໍຄໍາ ໃຫ້ສໍາເລັດຕາມຄາດໝາຍທີ່ວາງໄວ້ ແລະ ເອົາໃຈໃສ່ປົກປັກຮັກສາອາຄານ ແລະ ສະຖານທີ່ ທໍານຽບປະທານປະເທດ ໃຫ້ມີຄວາມປອດໄພ, ສະອາດ, ຮຽບຮ້ອຍ ແລະ ສວຍງາມ ແລະ ອື່ນໆ