ຮາແລນ ອາດໂບກມືລາທີມ ຫາກ ແມນ ຊິຕີ້ ຖືກລົງໂທດຄະດີລະເມີດກົດການເງິນ ເຜີຍຄວາມສຳພັນກັບ ເປບ ເລີ່ມມີຮອຍແຕກ

ຈາກກໍລະນີທີ່ ແມນເຊັສເຕີ ຊິຕີ້ ໄດ້ລະເມີດກົດລະບຽບການເງິນຫລາຍກວ່າ 100 ຄັ້ງໃນຕະຫລອດ 9 ລະດູການລະຫວ່າງເດືອນກັນຍາ 2009 ຫາ 2017/18 ແລະ ອາດປະເຊີນກັບການລົງໂທດຫັກແຕ້ມຖ້າພວກເຂົາກະທຳຜິດແທ້.

ເມື່ອບໍ່ດົນມານີ້, ໜັງສືພິມ ນາຊີອອງນາລ ຂອງປະເທດສະເປນ ລາຍງານຂ່າວວ່າ ເອລິງ ຮາແລນ ກອງໜ້າທີມຊາດນໍເວ ຂອງ ແມນເຊັສເຕີ ຊິຕີ້ ກໍາລັງພິຈາລະນາທີ່ຈະອອກຈາກຖິ່ນ ເອຕິຮັດ ຖ້າຫາກສະໂມສອນຖືກລົງໂທດ.

ນອກ​ຈາກນີ້ ຄວາມສໍາພັນຂອງ ຮາແລນ ກັບຜູ້ຈັດການ ເປບ ກົວດີໂອລາ ເລີ່ມແຕກຫັກ. ທ່າມກາງບັນຍາກາດທີ່ບໍ່ດີພາຍໃນສະໂມສອນໃນເວລານີ້ ແລະ ຖ້າ ຮາແລນ ຍ້າຍທີມ ສະໂມສອນອັນດັບໜຶ່ງທີ່ໄດ້ໄປຄອງນັ້ນກໍ່ຄື ຣຽວ ມາດຣິດ ນັ້ນເອງ.