ຫິມະຖະຫລົ່ມໃນ ສປ ຈີນ ເຮັດໃຫ້ມີຜູ້ເສຍຊີວິດແລ້ວ 8 ຄົນ
January 21, 2023 - 9:47 AM
ສຳນັກຂ່າວຕ່າງປະເທດລາຍງານວ່າ: ວັນທີ 19 ມັງກອນນີ້, ເຈົ້າໜ້າທີ່ ທາງການ ສປ ຈີນ ລາຍງານວ່າ: ມີຜູ້ເສຍຊີວິດ ຢ່າງໜ້ອຍ 8ຄົນ ຈາກເຫດການ ຫິມະຖະຫລົ່ມ ໃນເຂດປົກຄອງ ທິເບດ ຂອງ ສປ ຈີນ ໂດຍຈຸດ ເກີດເຫດ ບໍລິເວນ ອຸໂມງ ທາງຫລວງ ທີ່ຕັດຜ່ານພູ ເມືອງໜີງຊີ ເຮັດໃຫ້ມີ ພາຫະນະ ແລະ ຜູ້ເຄາະຮ້າຍ ຈຳນວນໜຶ່ງ ຕິດຢູ່ໃຕ້ກອງຫິມະ ຂະໜາດໃຫຍ່.ຂະນະນີ້ ເຈົ້າໜ້າທີ່ ກູ້ໄພ ຫລາຍກວ່າ 130 ຄົນ ແລະ ລົດກູ້ໄພອີກ 28 ຄັນ ເລັ່ງຄົ້ນຫາ ເພື່ອຊ່ວຍ ຊີວິດ ຜູ້ປະສົບໄພ ແລະ ປ້ອງກັນ ບໍ່ໃຫ້ເກີດເຫດການ ແບບນີ້ອີກ.
